Быйыол ноябрны 12-де Черкесскени къарал республикан филармониясында отчет джыйылыу болуб етдю, анда Баталпаша шахар къазакъ джамагъатны атаманы Брянцев
Владимир кесини полномочиячын берирге деген оюмун айтды. Энди ол шахар джамагъатда акъсакъалланы Советинде кесине орун алгъанды. Отчет джыйылыугъа шахар джамагъатны къазакълары, джамагъат организацияланы келечилери эмда къазакъланы православ динчилери протоирей Соколов Геннадий да къошулгъан эдиле. Владимир Александрович кесини отчетунда шахар атаман къуллукъда кесини къалай башланнганындан эмда къаллай къыйынлашыулагъа тюбегенинден хапар айтды. Брянцев джолдаш шахар къазакъ джамагъатха башчылыкъ этиую къыйын заманнга тюшгенди. Владимир Брянцевни аты- бюгюнлюкде Баталпаша къазакъчылыкъны джашаууну мурдоруду дерге толу боллукъду. Ол керти адамны атаман къуллукъда кеб ашхы эмда суаблыкъ ишлери болгъанды . Черкесскеде троллейбус паркы болгъан джерде Баталпашаны хорлагъанлы 200 джыл толгъанына эсгертме салыннганды, эски къабырлада къарнаш къабырны джарашдыргъандыла анда Кавказны ауушларында эмда госпиталлада елген 300 аслам аскерчи асыралгъанды. Атаман Брянцев , Уллу Ата Джурт къазауатда Кавказ ауушланы къоруулай елген аскерчилеге Морх ауушда эскертме салгъанды. Ол кеси къолу бла этиб Черкесск шахарны арасында словен устазла Кирилл бла Мефодийге эсгертме салгъанды. Бу эки абустолгъа аталыб салыннган эсгертме Шимал Кавказда биринчи болгъанды. Брянцев Владимир 2-чи Хопер къазакъ полкну байрагъыны копиясын этгенди-анда Георгий къачны кавалерлерини атлары джазылгъанды. Аны тышында да хаман да инджилиб джашагъан адамлагъа эммда социал учрежждениялагъа болушханлай тургъанды. Шахар къазакъ джамагъатха башчылыкъ этген кезюуюнде Владимир Александрович кесини болушчулары бла бирге эмда Черкесск шахарны мэриясы бла республиканы правительствосуну билеклиги бла къзакъ билим бериуню къураргъа уллу иш этгенди. Бары да бирге джыйылгъанланы атаман Брянцев джолдашны баджаргъан ишлерине разылыкъ бердиле. Башха тюрлю болургъа мадар джокъду, нек дегенде Владимир Александровични джети джылны этген къыйын да хайырлы иши джамагъатны
эмда джаш адамланы аны кибик къартланы да арасында уллу сый табханды. Аны хакъ джюреги керти патриотлугъу баталпашачылагъа Джуртларына къуллукъ этиуде уллу
юлгюдю. Джангы сайланнган атаман Скорых Олеге, Владимир Брянцев башлагъан уллу ишлерин къаджыкъмай андан ары бардырыргъа тюшгенди.