Быйыл ноябрь айны 8-де Дмитрий Солунский мученикни эсгериу кюнде, Хасаут- Греческий элини православ джамагъаты къуанч этди. Байрамны аллын ишлене тургъан
клисада тилекден башладыла.
Православ дин ахлулагъа сез айта, Къарачай-Черкесияда Къыбла клиса округну приходларыны джуаблы динчиси протоирей Субтельный Евгений , быйыл июль айны 8-де
Пятигорске бла Черкесскени архиепископу Феофилакт ишленник клисаны биринчи ташын салгъан эди, андан бери аны къабыргъаларын 3 метрден мийик къаланнгандыла
деб тилек этгенлени эслерине салды. Джуаблы православ динчи Владыканы атындан клисаны къурулушуна джан аурутхан, бу ишге къошулгъан элчилеге разылыкъ айтды.
Тилекни аягъында тилек этилиучю юйде Дин къуллукъ бла къачлы джюрюш болуб етдю. Андагн сора барын да туз-дамдан ауузланыргъа чакъырдыла.