Озгъан кюнледе джангы Покров клиса ишле тургъан джерге Къабырты-Малкъарда Бахсан шахарыны администрациясыны башчысы Мамхегов Хачим келиб къарады. 2015-чи джыл джай ай, шахар башчы, клиса ишлерге деб 0,3 гектар джерге эркинлик къагъытла берген эди. Шахарда православ клисаны къурулушу дженгил тынарча не мадар болушлукъ бар эсе этерге кюреширигин да айтхан эди Хачим Хасанович.
Бусагъатда православ джамагъат 1957-чи джыл сатылыб алыннган гитче тилек юйчюкде джыйылады. Бахсанда уллу клисаны етген емюрню 30-чу джылларында атылтхан эдиле. Джангы клиса ишленник джерде уллу чунгур къазылгъанды, аны тюбюне таш-зыгъыр ташыб бегите турадыла.