Быйыл октябрь айны 14-де Пятигорск епархияны клисаларында Покрова Пресвятой Богородица байрамны къуанч халда етдюрдюле.
Лермонтов клиса округну приходларыны джуаблы динчиси протоирей Фаустов Константин Новоблагодарный элни клисасында этилген байрамгъа башчылыкъ этди. Анга дин къуллукъ болушлукъну протоирей Углов Сергий этди.Байрамгъа аталгъан Къачлы джюрюшге христиан дин школну эл орта школну сохталары, къазакъла, урушлагъа къошулгъан ветеранла да къошулдула. Андан сора сохтала клисагъа джыйылгъанлагъа концерт кергюздюле. Анда Покрова Пресвятой Богородица байрамгъа аталгъан назмула окъудула джырла да джырладыла. Дин къуллукъ бошалгъандан сора клисаны аш юйюнде тебсиле джасалыб келгенлени сыйладыла. Къабарты-Малкъарны Котляров стансесинде да тюбедиле бу джарыкъ байрамгъа. Аны къураргъа эл администрацияны башчысы Федоренко Александр бла Котляров стансе къазакъ джамагъатны атаманы Скляров Дмитрий эмда стансечиле бла клисагъа джюрюген джамагъат да къошулгъан эдиле.Анда Дин къуллукъгъа Нальчик клиса округну приходларыны джуаблы динчиси протоией Бобылев Валентин башчылыкъ этди. Байрамны адетдеча къачлы джюрюш бла эмда аш юйде туз-дамдан ауузлану бла тамамладыла.
Покрова Пресвятой Богородица байрамны кюнюнде Къарачай-Черкесияны Преградна стансесинде эмда саулай Уруп районда кенг байрам этдиле. Стансеге ол кюн кесине да 157 джыл толгъанды. Ол кюн да Къобан къазакъ аскер къуралгъанлы 321 джыл толгъанын эмда Къобан къазакъчылыкъны Кюнбюн белгиледиле. Дин къуллукъ бошалгъандан сора Уруп район къазакъ джамагъатны атаманы Гежин Виталий, Къарачай-Черкесияда Къыбла клиса округну джуаблы динчисини болушчусу, къазакъла блабайламлылыкъ джюрютген, элде Кирилл бла Мефодий абустолланы клисасыны тамадасы иерей Соловьев Алексийге «Атаман Захарий Чепега» дегнен медальны берди. Дин къуллукъ бошалгъандан сора стансечилени туз-дамдан ауузланыргъа чакъырдыла. Кюнортадан сора станседе спортэришиуле да концерт да болуб етдюле.
Ол кюн огъунакъ Зеленогорске элни Покров клисасында Дин къуллукъ бошалгъандан сора, Нарсана клиса округну джуаблы динчиси протоирей Знаменский Иоанн элде ишлене тургъан клисаны къатында дуа окъуду. Джуаблы динчиге дин къуллукъ болушлукъну округну динчилери этдиле. Тилек этилиб бошалгъандан сора ишлене тургъан Покров клисаны тегерегине Къачлы джюрюш этдиле. Къуанчны бары бла бирге юлеширге суаблыкъ ишле бла кюрешгенле- Ессентюк шахарны Петропавлов клиса комплексни ктитору Алексов Павел бла къурулуш джаны бла Пятигорске бла Черкессени архиепископу Феофилактны болушчусу Музенитов Павел эмда Зеленогрскени джамагъаты да келдиле. Динт къулукъ бошалгъандан сора джуаблы православ динчи, халал джюрекден болушлукъ этгенлеге клиса ишлеуге уллу юлюш къошханлагъа
разылыгъын билдирди.
Байрам кюн Бургъустан станседе Хорламчы Георгий клисагъа Ессентюк бла Пятигорск шахарладан къулакълары эшитмеген Бютеуэресей обществодан 20 адам келген эди. Паломникле Масих Иссаны эсге тюшюрген адетни да этген эдиле. Дин къуллукъ бошалгъандан сора олтуруб чай ичидиле, аны кезюуюнде къол тылмачлыкъ этгенни боолушлугъу бла клисаны тамадасы иерей Чеканов Борис келген къонакъла бла ушакъ этди.
Нарсананы Никольский клисасында байрамгъа аталгъан Дин къуллукъгъа шахарны джамагъаты бла къонакълары да джыйылгъан эдиле. Дин къуллукъгъа протоирей Знаменский Иоанн башчылыкъ этди. Дин къуллукъ бошалгъандан сора клисаны майданында суаблы Покров джармалыкъ ачылды. Багъышлау сезню келген къонакъла бла джармалыкъгъа къошулгъанлагъа, Нарсана клиса округну приходларыны джуаблы динчиси протоирей Знаменский Иоанн айтды. Быйыл Покров суаблыкъ джармалыкъгъа талай адам келгенди. Джармалыкъгъа, Православ гимназияны сохталары приходну ишчилери таймаздан къошулуб турадыла. Гимназиячылы келгенлеге, юйде ата-аналары бла бирге бищирген татлы затланы теджей эдиле.
Бузулмай келген адетдеча Покров джармалыкъгъа Подкумок поселокну Троицкий клисаны приходу къошулгъанлай турады. Пантелеймон шыйыхны клисасындан адамла, христиан дин школну сохталары кеслери къоллары этген сувенирлени келтирген эдиле. Джармалыкъгъа келгенлеге Свято-Никольский гимназияны сохталары иги хал бердиле. Байрамны андан арысын «Святыни земли родной» деген клиса-тарих музейде бардырдыла анда «Покров» деген кинону да кергюздюле.
Клиса байрамны эмда стансеге 158 джыл толгъанын Къарачай-Черкесияны Къардоник стансесинде да белгиледиле. Ол къуанч кюн Дин къуллукъну Къарачай-Черкесиядв Къыбла клиса округну приходларыны джуаблы православ динчичиси протоирей Субтельный Евгений бардырды анга да болушлукъну иерей Бураков Димитрий этди. Байрам кюн Зеленчюк районну стансе клисасында, элле бла стансе бютеу къазакъ джамагъатладан къазакъла джыйыладыла. Клисаны джамагъатын Къобан къазакъ аскерни Баталпаша белюмюню атаманы Бородкин Виктор бла стансе администрацияны тамадасы Баганцов Анатолий алгъышладыла. Эл джамагъатны эмда келген къонакъланы туз-дамдан ауузланыргъа чакъырдыла. Къобан къазакъ аскер къуралгъанлы 321 джыл толгъаны бла да байламлы митинг болуб да етген эди.
Ол кюн андан сора да аллай митингле Къобан, Джегетей, Уруп районланы къазакъ дзжамагъатларында эмда Черкесск шахарда да бардыла.Покрова Пресвятой Богородицы байрамда Пятигорск шахарда 14-чю номерли коррекцион школуну 4-5 класларыны сохталары Хорламчы Геолргий шыйыхны клисасында болдула. Православ динчи Калугин Вадим бабас келген къонакълагъа байрамны юсюнден хапар айтды. Ариу халда этилген ушакъ, клисаны ичинде ариулукъ, тегерекде шошлукъ, саулукъларында къыяулары болгъан сабийлени джюреклерине бал джагъылгъанча болду.