Быйыл октябрь айны 11-ден 12-не дери Черкесск шахарда 11-чи номерли билим берген Аралыкъда 6-7 классланы сохталарына "Основы духовно - нравственной культуры народов России", деген предметден дерсле джангыдан берилиб тебрегендиле. Ол предметни Никольский клисаны клириги иерей Гурин Александр бардырады. ОДНКНР предметни нюзюрю, Эресейни халкъларыны культурасын, адетлерин, джашау джорукъларын эмда тарих магъаналы баш динлени толу ангыларча Эресей краллыкъны куралыуунда граждан джамагъатны къаллай магъанасы болгъанындан хапарлы этиудю.6-чы классда биринчи теманы Эресейни кеб миллетли культурасыны магъаналыгъына атадыла. Кремль бла Москваны Къызыл майданында Покров клисаны, Къазан Кремльни, Санкт-Петербургда Дворцовая площадь дегенча архитектура мекямланы эсге тюшюрдюле. Преподобный Рублев Андрейни иконалары бла да шагърей болдула.7-чи классда да биринчи дерсни « адет хазнагъа» атадыла, адамны юсюнден болургъа керекли юч ашхы шартны юсюнден да селешдиле. Быйыл окъуу джыл 6-7- чи классланы сохталарыны арасында бу дисциплинадан профилли олипиада болуб етерикди.