Юч джылны таймаздан Пятигорске бла Черкесскени архиепископу Феофилактны разылыгъы бла «Солнечный городок» деген епархия аралыкъ «Помоги собраться в школу» деген ат бла суаблыкъ акция бардырады. Быйыл аллай болушлукъну, Юца элде 12-чи номерли коррекцион школ, Новотерский поселокда 26-чы номерли Корекцион школ интернат, Ессентюк шахарда джаш инвалидлени реабилитацион Аралыкъ, Ессентюк шахарда 1-чи номерли школну коррекцион белюмюню сохталары эмда Кавминводну шахарлары бла эллеринде саулукъларында къыяулары болгъан сабийле бла джаш адамла алгъандыла. Бютеулей да саулукъларында сакъатлыкълары болгъан 398 сабийге болушлукъ этилгенди. Бу акциягъа къошулгъан халал джюрекли адамлагъа барына да разылыгъыбызны билдиребиз!