Быйыл сентябрь айны 11-де Усекновение главы Иоанна Крестителя деген байрамда, Пятигорске бла Черкесскени архиепископу Феофилакт Иноземцево поселокда Иоанно-Предтеченский клисада байрамгъа башчылыкъ этди. Архиерейге дин къуллукъ болушлукъну, епархияны Административ секретариатыны тамадасы иерей Яковенко Илия, протоирей Панасенко Алексийни башчылыгъы бла Минераловод клиса округну динчилери этдиле. Архиерейге туз дам бла, «Лествица» деген джаш телю къуралышны тамадасы Кириченко Марина бла Железноводск къазакъ джамагъатны атаманы Кузнецов Анатолий тюбедиле. Андан сора да хошкелдиликни, грек джамагъатны келечилери бла къазакъчылыкъгы Къыбла Эресей лицейини сохталары да айтдыла. Бу байрамны хазырларгъа аны бардырыргъа да «Здоровое поколение Кавказа» деген реабилитацион аралыкъны келечилери уллу болушлукъ этгендиле. Бу байрам кюн поселокну джамагъатын клисагъа дери эмда ызларына хакъсыз автобусла джюрютгендиле. Артыкъ да бек ол кюн, Орус Православ Клисаны башламчылыгъы бла эки джыл мындан алгъа джангыдан ызына къайтарылгъан День трезвости деген кюннге уллу эс белюндю. Дин къуллукъда, аракъыны ичмей саулукълу джашауну сайлагъаз,есюб келген телюню инджилдеча ашхы адетлени скакъларгъа юретигиз деген Москва бла бютеу Эресейни Сыйлы Патриархы Кирилни ийген чакъырыуун окъудула. Къачлы джюрюшден сора Архиерей православ дин ахлуларына ауаз берди. Клиса байрамны ачыкъ хауада салыннган тебсиледе туз-дамдан ауузланыу бла тамамладыла.