Быйыл август айны 29-да Пятигорске бла Черкесскени архиепископу Феофилакт, Георгий тиширыу монастырда Раббийни Анасыны «Игумения Горы Афонской» деген иконасыны сыйына аталгъан юй клисагъа уллу нюр салгъан адетни этиб Дин къуллукъ да бардырды. Архиерейге дин къуллукъ болушлукъну, Бештау Вторафон эркиши монастырны джуаблы динчиси иеромонах Казаков Елевферий бла монастырны динчилери этдиле. Диакон къуллукъгъа да протодиакон Куба Димитрий башчылыкъ этди. Архипастырны аллына монастырны дин эгечлери бла София» деген приют-пансионда тургъан къызчыкъла тюбедиле. Литургиядан сора Владыка, насельницала бла паломниклени бу джарыкъ къуанч бла алгъышлады. «Биз Сыйлы Афон Къаяны, Кавказ тауланы анасыча керебиз, нек десенг монахлыкъ иш бери Афондан келгенди.Ол себебден анга аталыб нюр салыннганды клисагъа, аны Кавказда монахла бары да толу ангылайдыла»,- деб Архиерей. Архиепископ Феофилакт, монастырны игумениясы (Шурыгина) Варварагъа, Москваны сыйлы бийчеси, Ефросиния шыйыхны медалын берди. Разылыкъ пиьмола бла сыйлы саугъаланы да могнастыргъа бу байрамгъа хазырланыргъа болушханлагъа бердиле.