Быйыл август айны 19-да Преображения Господня кюн, епархияны приходларында къуру уставдача дин къуллукъла бла джангы битимни кегетлерине нюр салыу болуб къалмады.
Нарсана шахарны Никольский клисасыны арбазында ,Православ гимназияны сохталары блаприходну къонакълары къурагъан тематикалы концерт болуб етдю. Къазакъ эмда орус джырла джырландыла. Байрамгъа къошулгъан курорт шахарны джамагъаты бла къонакълары, гитче артистлеге джюрек разылыкъларын билдирдиле.
Пятигорскени православ джаш телюсю Миллет гвардияны 56 энчи бригадасыны аскерчилерин байрам бла алгъышлады. Преображенияны тарихи бла аны магъанасындан
Покров клисаны клириги иерей Марков Андрей хапар айтды.
Пятигорскени клисаларындан къызла бла джашла, солдатлагъа орус армияны православ адетлеринден
хапар айтдыла. Соцкая Кристина, джаш солдат Мальцев Георгий, Уллу Ата джурт къазауатда джюреги башха тюрлю болуб, къазауатда диннге къайтыб православ динчи
болгъанындан хапар айтды. Лазаревский клисаны христиан дин школуну сохтасы Шаркова Светаны выступлениямын да солдатла бек джаратдыла. Ол Святитель Филаретни (Дроздовну) «На день Преображения Господня» деген назмусун окъугъан эди.
Пятигорскеде Лазаревский клисаны приходу солдатлагъа деб джыйгъан татлы алмала бла хантлагъа бары да бек къуандыла. Сабийле андан сора да «Береговой» деген госпитал бла 32-чи номерли сабий Юйде да болдула.
Суворовка станседе нюр салыныб джыйылгъан кегетни, клисаны тамадасы протоирей Иванилов Роман, къарт адамла тургъан Юйге элтиб, адетдеча барын да алгъышлаб ё социал учрежденияда джашагъанланы сыйлады. Стансени Преображения Господня деген алаша клисасында байрамгъа джоралаб дин къуллукъ бардырдыла.
Урожайный поселокда уа, байрам кюн табыныучу къачха нюр салгъан адетни этдиле. Патчах Константин шыйых бла аны анасы Елена шыйыхны сыйына аталгъан клисаны джамагъаты –клисаны тамадасы иерей Алексий Рубецни башчылыгъы бла , Ессентюкден Суворовкагъа баргъан трассада Урожайный поселокга кирген бла чыкгъан джерде салыннган табыныучу къачлагъа дери къачлы джюрюш бла бардыла. Коисаны тамадасы ол къачлагъа нюр салгъан алетни этди. Энди поселокну хар бир адамы элден чыгъыб бара эмда юйбне къайтыб келе Хакъ Къачны къаты бла озуб бара кесине къач тартыб Раббийден тилек этерге боллукъду.