Быйыл июль айны 3-де устазланы сынамларын есдюрген Къарачай-Черкес институтда, Къарачай-Черкесияда Шимал клиса округну приходларыны джуаблы динчиси протоирей Нартов Александр бла Пятигорск епархияны Къарачай-Черкесияда дин билим бериу бла катехизациядан Епархия белюмюню тамадасы иерей Якушев Александрны, Дуния динлени тамаллары бла культураларыны эмда светский этика дерсден окъутхан устазла бла тюбешиулери болуб етдю. Православ динчиле джыйылгъанлагъа : «О духовно- нравственных основах образования» деген темагъа аталгъан лекция окъудула. Андан сора православ динчиле устазланы сорууларына джуабла да бердиле. Устазла, «Основы Православной Культуры», деген модульну окъутууда тюбеген къыйынлашыуларындан хапар билирге изледиле. Ангылашынмагъан затланы юсюнден иерей Якушев Александр, Православияны тамалларын ангылатырча культурология джанына ауаргъа кереклисин айтды. Православ динчини сезюнден, бу предмет къуру диннге таяныб окъутууну неда клиса адетлени юсю бла баргъан дерслени баш борчха салмайды . Бу курс тюз халда къуралгъанды, сабийни ата-анасы къайсы динде культурада эселе сабий да ол культурада есерге ариу халиге юренирге болушады.