Быйыл июль айны 2-де Пятигорске бла Черкесскени архиепископу Феофилакт бла Орус Православ Клисаны Басма Советини председатели Боровске бла Калуганы митрополити Климент, Ессентюк шахарда Пантелеймон клисада Дин къуллукъгъа башчылыкъ этдиле. Архиерейлеге дин къуллукъ болушлукъну.Ессентюк клиса округланы джуаблы динчилери, епархия белюмлени тамадалары этдиле. Дин къуллукъну аллы бла клисагъа Москва бла бютеу Эресейни патриархы Тихон шыйыхны елюгюню сюек кесекчиги сакъланнган кюбюрчекни киргиздиле. Бу къуанч литургияда Ессентюкчюле эмда Кавказ Минеральные Воды региону эллери бла шахарларындан талай адам келиб табын этдиле. Инджилден окъулгъандан магъанасын ачыкълай Пятигорске бла Черкесскени архиепископу Феофилакт джыйылгъанлагъа ауаз берди. Ектения дуадан сора, Украинада къазауат тохтасын деб митрополит Климент тилек этди. Дин къуллукъну бошаб Архипастырла, башха динчиле эмда тюз православ джамагъат къачлы джюрюш бла Ессентюкню Театрал майданына барды, анда «Благославенный Кавказ» православ кермюч джармалыкъ бла «Радость Слова» деген кермюч форумланы ачылгъанына дуа этдиле. Митрополит Климент, форумну баш магъаналы дин сыйы болгъан, Тихон шыйыхны юсюнден кесгин хапар айтды. Архиепископ Феофилакт келген къонакъланы алгъышлай былай айтды: « Бюгюн биз кертиси бла бизни туугъан Кавказыбызгъа сыйлы деб айтыргъа боллукъбуз. Нек десенг биз къонакъбайлыкъ этебиз. Къонакъ а Кавказда Алллах сыйлагъан адам болгъанды». Владыка Сыйлы Патриарх Кириллге, форумну ачылгъанына ашхылыкъ джоралагъаны ючюн эмда форумну къураб кюрешгенлеге джюрек разылыгъын билдирди. Джыйылгъанлагъа Ессентюк шахарны администрациясыны тамадасы Некристов Александр да селешди. Ол, православ кермючлени, къачлы джюрюшлени, курорт-шахаргъа гара сууланы да уллу магъаналары болгъанын чертди. Тертюнчю кере болуб форум курорт-шахарда 170 адамны джыйгъанды, аланы арасында приходла, монастырла, дин эгечликле,къарнашлыкъла, Эресецни регионларындан, тыш къралладан келген православ устаханаланы усталары да бардыла. Ала шахарны джамагъаты бла келген къонакъларына, иконаланы, клиса сауутну, агъачдан, ташдан эмда багъалы темирлнден этилген затланы аны кибик нюр салыннган джауну кергюзгендиле. Православ басмала да, сабийле бла уллулагъа джараулу дин литератураны эмда орузламала бла джол юретген китабчыкъланы теджегендиле. Четенчиле да тюрлю-ьюрлю балланы да кергюзгендиле. Кермючлени программасында суратлау бла документал кинола кергюзюлдюле, творчество коллективле выступленияла этдиле эмда «Православ динчиге сору беригиз» деген программа бла къонграу къагъыудан фестиваль да болду. Форумда биринчи джарыкълыкъ мероприятия болуб « Вечная весна человеческой любви» деген ат бла протоирей Владимиров Артемий бла тюбешиу болуб етдю. Быйыл 1917-1918 джыллада Помпстный Соборну ачылгъанына 100 джыл тодгъанын белгилеуню тамалында кермюч площадкада «Святитель Патриарх Тихон. К 100-летию восстановления Патриаршества в России» деген ат бла фотовыставка болуб етдю. Аны, Басма Совет бла эмда «Православная книга» деген Ассоциация хазырлагъандыла. Быйыл форумну къурагъанла Басма Стветден, Пятигорск епархиядан эмда «Православная Южная Русь» деген компания къауумла форумгъа 350 минге джуукъ къонакъ келликди деб умут этедиле. Ессентюкде форум быйыл июль айны 9-на дери барлыкъды.