Епархияны архитектура-къурулуш комиссиясы планнга кере Нальчик клиса округну клисаларына къарады. Аны къурамына, епархияны къурулуш белюмюню тамадасы протоирей Бондарчук Андрей, джуаблы православ динчи протоирей Бобылев Валентин, къурулуш джаны бла джуаблы динчини болушчусу протоирей Овсянников Сергий, Пятигорске бла Черкесск епархияны архитектору эмда древлехранители Чечин Олег, епархия складны тамадасы Чечин Сергей киргендиле. Епархияны къурулуш джаны бла белюмюню тамадасы протоирей Бондарчук Андрей аны кибик архитектор бла древлехранитель Чечин Олег, благочинияны клисаларында къурулуш ишле къалай баргъанларына къарадыла эмда керекли оюмла да айтдыла. Комиссия Прохладныйде Никольский клисада болду, анда эсгертме дараджалы клисагъа къурулуш ишле баргъан сагъатда сакъ болургъа кереклиси чертилди эмда къурулуш-ремонт ишлени аллы бла аны епархияны къурулуш белюмю бла эмда кърал сакълагъан орган бла келишим бегитиб алай этерге кереклиси да айтылды. Аны тышында да клиса тюкенчиклени мадаргъа кере клиса арбаздан тышына чыгъарыргъа кереклиси да айтылды. Прохладный бла Котляров станседе Покрова Пресвятой Богородица клисалада, комиссия, конструкторну чакъырыб эмда барабан бла куполну джарашдырыуну документациясын хазыр этерге кереклисин айтды, ол документлени копияларын епархияны къурулуш белюмюне берирге керекди. Комиссия дагъыда Екатериноград станседе Евфимий Новый Солунский шыйыхны клисасында болуб, анда православ динчиге, 2019- чу джылда «культура России» деген Федерал целевой программагъа къошулурча эсгертме дараджалы клисаны документациясын джангыртыргъа кереклисин да айтдыла.