Къыйын болумгъа тюшген сылтаулу тиширыула бла инджилиб джашагъан юйдегилеге болушлукъ этген суаблыкъ программаны тамалында http://sos-life.ru/. деген сайт ачылгъанды. Анда сейир карта, болушлукъ этген 104 аралыкъны телефон кереклери адреслери бардыла. Ол картагъа Пятигорске бла Черкесск епархияда «Дом для мамы» деген аралыкъ да тюшгенди. Эресейни Къыбласында аллай аралыкъла тертдюле. Ставрополь крайда экидиле. Ол программаны «За жизнь» деген къозгъалыуну келечилери джарашдыргъандыла. Джети джылны ичинде Эресейни 103 региоунда 450 шахарда, Украинада бла Белорусияда ючю мингден аслам «За жизнь» деген фестивальны ышыгъы бла къуралгъан джамагъат къозгъалыуну доброволецлери, абортла азыракъ болурча не кючлерин да салыб кюрешедиле. 2013-чю джылдан бери бу кързгъалыугъа Сербиядан соратниклери да къошуладыла. Бу программаны ышыгъында ышангылы телефон да ишлейди, 8 800 100 48 77. Епархияда «Дом для мамы» деген аралыкъ 2013-чю джылдан бери 600 тиширыугъа болушлукъ этген , абортдан 38 сабийни къутхаргъанды. Энди уа аны юсюнден информацияны Эресейни къайсы бир джеринден да саулай дуниядан ха радам толу хапар билирча мадар этилгенди.