Пятигорск, Черкесск епархием Налшык щиIэ округым и благочиннэ протоиерей Бобылев Валентин Дунейпсо адыгэ зэгухьэныгъэм и гъэзэщӏакӏуэ гупым и зэӏущӏэм хьэщӏэ лъапӏэу хэтащ.
Зэӏущӏэм хэтащ Кавказ Ищхъэрэмрэ Краснодар краймрэ я республикэхэм къикӏахэр, Сирием, Тыркум, Иорданием я адыгэ зэгухьэныгъэхэм я лӏыкӏуэхэр. Абы хэтахэр тепсэлъыхьащ адыгэ зэгухьэныгъэхэм я зэдэлэжьэныгъэмрэ зэпыщӏэныгъэмрэ гъэбыдэным ехьэлӏа ӏуэхухэм.
Дунейпсо адыгэ ассоциацэм и унафэщӏ Сэхъурокъуэ Хьэутий Хьэзрит и къуэм Пятигорскрэ Черкесскрэ я архиепископ Феофилактрэ Урыс Чристэн Члисэм и дин лэжьакӏуэхэмрэ фӏыщӏэ яхуищӏащ Кавказ Ищхъэрэм щыпсэу лъэпкъхэм я зэхущытыкӏэхэр гъэбыдэнымкӏэ илъэс куэдкӏэ зэрызэныбжьэгъум, купщӏафӏэу зэрызэдэлажьэм папщӏэ.