2023 гъэм накъыгъэм и 19-м щыщIэдзауэ 26-рэ пщIондэ, Москварэ Урысей псомрэ я
Патриарх Кирилл и арэзыныгъэкIэ, Азие Курыт митрополие округым и пастыр нэхъыщхьэ,
Ташкентскрэ Узбекистанскрэ я митрополит Викентийрэ Урыс Чристэн Члисэм и екIуэлIапIэ
Тыркуменистаным щыIэр пIалъэкIэ зезыгъакIуэ Псыхуабэ, Черкесск щIыналъэхэм я архиепископ
Феофилактрэ зэIущIащ.
ЗэIущIэр ирагъэжьащ Кизи-Арват, Махтумкули къалэхэм кIуэри. Щихънагъхэм
Кизилаварт тхьэлъэIу щрагъэкIуэкIащ Махтумкули кхъэм. Кизил-Арват XIX лIэщIыгъуэм и
кIэхэм къызэрагъэпэщащ Транскаспийскэ гъущIгъуэгум и ухуакIуэхэм. Пастыр нэхъыщхьэхэр
Тхьэ щелъэIуащ члисэм и ухуэныгъэм. Иджыпсту абы музей щаухуащ. Махтумкули – къэралым и
къалэхэм ящыщ зыщ. Иерарххэр Тхьэ щелъэIуащ кхъэм щыщIалъхьахэм я псэр зэгъэн папщIэ.
Тхьэмахуэ тхьэлъэIур траухуащ апостол Богослов Иоанн и фэеплъым. 2023 гъэм накъыгъэм и 21-м
ар Ашхабад и Аллександро-Невскэ члисэм щекIуэкIащ.
Накъыгъэм и 22-м тхьэлъэIу литургием хыхьэу Никольскэ члисэм и пащтыхь шэнтиуэ
махуэшхуэм архиепископ Феофилакт къардэн къулыкъур хуигъэфэщащ Къэзан духовнэ
семинарием и ещанэ курсым щIэс Григорьянц Варнавэ. Къардэныр Балканабад къалэм Тхьэм и
Анэм и члисэм и клирик щыхъуащ.
Гъубжым, накъыгъэм и 23-м Ашхабад и Тхьэмахуэ члисэм митрополит Викентийрэ
архиепископ Феофилактрэ къулыкъур щыдащIащ Тыркуменистаным и щоджэнхэм. «Москварэ
Урысей псомрэ я Патриарх Кирилл и арэзыныгъэр псоми ялъызогъэIэс. Тыркуменистаным
фIэщхъуныгъэ зиIэ и цIыху псом папщIи ар Тхьэм йолъэIу, фи зэкъуэтыныгъэм папщIэ фIыщIэ
къыфхуещI», - жиIащ митрополит Викентий зэхыхьэм хэтхэм защыхуигъазэм.
Тыркуменистаным илъэс 15 хъуауэ къулыкъу зэрыщыхуищIэм папщIэ Азие Курыт
митрополичье округым и Iэтащхьэм архиепископ Феофилакт иритащ щихъ Крымский Луки и
орденым и япэ нагъыщэр. Благочинием и щоджэнхэм Москварэ Урысей псомрэ я Патриарх
Кирилл и дамыгъэхэр иратащ. Апхуэдэщ Саровский Серафим III и дамыгъэр иратащ иеромонах
Фомэ (Григорьянц). Апхуэдэу апостол пэлъытэ Японский Николай и орденым и медалхэр иратащ,
Патриашэ щIыхь тхылъхэр. Митрополит Викентий Патриаршэ благочинием и лэжьакIуэ псоми
Азие Курытым и округым и медалхэр яритащ.
ТхьэлъэIу нэужьым Тыркуменистаным и щоджэнхэм я зэхуэс зэхэтащ. Абы
щытепсэлъыхьащ чристэн зэгухьэныгъэхэм я гъащIэм. «Тыркуменистаным и унафэщIхэм фIыщIэ
фхуэсщIыну сыхуейщ зэгухьэныгъэ цIыкIухэм фазэрыдэIэпыкъум папщIэ», - жиIащ архиепископ
Феофилакт.
А махуэ дыдэм Пастыр нэхъыщхьэм иригъэкIуэкIащ Марэ къалэм и Покров члисэм и
унафэщI Киреев Димитрий ипхъу Кирэ умэхъын щIын къулыкъур. Щихънагъыр гуапэу унагъуэм
ехъуэхъуащ хэхъуэ зэраIэмкIэ. Щоджэн нэхъыщхьэм члисэм тыгъэ хуищIащ Тхьэм папщIэ бэлыхь
куэд зрагъэшэча Маврикий (Полетаев) и теплъэр. 1908 гъэм и чристэн къулыкъур абы Мары
щригъэжьауэ щытащ.
Накъыгъэм и 24-м, апостол пэлъытэхэу Мефодийрэ Кириллрэ я махуэм, пастыр
нэхъыщхьэхэр щызэхуэсащ Кирилломефодиевскэ члисэ Абадан дэтым. Щихънагъхэр
фIэщхъуныгъэ зиIэхэм я гъусэу Тхьэ елъэIуащ Патриарх Кирилл папщIэ.
Пастыр нэхъыщхьэхэм я зэIущIэр щиухым тхьэлъэIу литургие щрагъэкIуэкIащ Тхьэм и
Анэм и «Взыскание погибших» тхьэнапэм и цIэр зезыхьэ Дашогуз къалэм дэтым.
А махуэ дыдэм иерарххэм зрагъэцIыхуащ УФ-м и лIыкIуэу Тыркуменистаным щыIэ
Волынкин Иван. Азие Курыт митрополичье округым и Iэтащхьэмрэ Патриаршэ благочиниер
зезыгъакIуэмрэ абы зыхуагъэзащ Тхьэр къдэIэпыкъуну и къулыкъур ирихьэкIынымкIэ.