2023 гъэм мазаем и 18-м Псыхуабэ щекIуэкIащ еханэ щIалэгъуалэ Сретенскэ
зэхуэсыр. Сретения махуэшхуэм щагъэлъапIэ чристэн щIалэгъуалэм я махуэр.
КъызэгъэпэщакIуэхэм абы траухуащ епархием и округхэм екIуалIэ щIалэгъуалэм я
зэхуэсыр.
Зэхуэсым и пэ къихуэу тхьэлъэIу литургиер щрагъэкIуэкIащ Псыхуабэ и
Лазаревскэ члисэм. Ар иригъэкIуэкIащ члисэм и унафэщI, ЩIалэгъуалэ къудамэм и
унафэщI щоджэн Яковенкэ Илия щIалэгъуалэм ядэлэжьэнымкIэ благочиннэхэм я
дэIэпыкъуэгъухэм ящIыгъуу. Къулыкъу нуэжьым щIалэгъуалэр члисэм и шхапIэм
щызэпсэлъащ. Пленарнэ зэIущIэр щекIуэкIащ Интурист хьэщIэщым и конгресс-
IущIапIэм. Мы гъэм зэхуэсыр теухуауэ щытащ: «Вера. Призвание. Жизнь». ЩIалэгъуалэр
тепсэлъыхьащ уи гъащIэ гъуэгур къызэрыхэпхынум, светскэ лэжьыгъэмрэ чристэн
гъащIэмрэ зэрыздебгъэкIунум, насыпыфIэ узэрыхъунум.
Зэхыхьэм и хьэщIащ IэщIагъэ зэмылIэужьыгъуэ зиIэхэр, Христос и фIэщхъуныгъэм
зэришэлIахэм. ФIэщхъуныгъэмрэ къызыхуигъэщIа IэщIагъэмрэ щIалэгъуалэм
яхутепсэлъыхьащ журналист, гастроисследователь, бренд-шеф Еловиковэ Аннэ, бьюти
эксперт, дахагъэмкIэ унэ къызэIузыха Хлевная Евгение, Железноводск къалэм и думэм и
депутат, хьэрычэтыщI, ресторатор Блем Александр, Псыхуабэ къэрал университетым и
егъэджакIуэ, щоджэн Зегнун Владимир.
ЗэIущIэр гъэщIэгъуэну екIуэкIащ. УпщIэ зыбжанэ ятащ икIи абы я жэуапхэр
яIэрыхьащ, гушыIащ, зэдэуащ, гъащIэм и лъэныкъуэ куэд къызэIуахащ.