2022 гъэм жэпуэгъуэм и 28-м, щихъ Новый Солунский Евфимий и фэеплъ махуэм,
Псыхуабэ, Черкесск щIыналъэхэм я архиепископ Феофилакт тхьэлъэIу литургие
щригъэкIуэкIащ КъБР-м и Екатериноградскэ станицэм.
Щоджэн нэхъыщхьэм къулыкъур драгъэкIуэкIащ Псыхуабэ епархием Налшык
щиIэ округым и щоджэнхэм благочиннэ щоджэн нэхъыжь Бобылев Валентинрэ къардэн
нэхъыжь Кубэ Димитрийрэ. Пастыр нэхъыщхьэм и гъусэу Тхьэ елъэIуащ къэзакъхэр,
станицэм дэсхэр, Къэбэрдей-Балъкъэрым и екIуэлIапIэхэм икIыу щIыналъэ лъапIэм Тхьэ
елъэIуну кIуахэр. Литургие нэужьым Щихънагъым зэгъусэ тхьэлъэIур иригъэкIуэкIащ
икIи фIэщхъуныгъэ зиIэхэм узэщIыныгъэкIэ захуигъэзащ.
***
1786 гъэм щэкIуэгъуэм и 24-м Екатериноград къалэм и члисэ зэхуэхьэсам
и ухуэныгъэм деж япэ мывэр щагъэтIылъащ. Ауэ члисэ зэхуэхьэсам и
ухуэныгъэр ирагъэжьакъым, 1790 гъэм Екатериноград къалэм и
административнэ ухуэныгъэхэр Астрэхъан зэрагъэIэпхъуам, губернскэ къалэм и
пIэм быдапIэмрэ Екатериноградскэ станицэмрэ къызэрыщынам папщIэ. 1845
гъэм пащтыхь Николай I члисэ ухуэныгъэ щихъ Евфимий и цIэр зезыхьэм и ужь
ихьащ. Ухуэныгъэм папщIэ пащтыхь Николай I уардэунэмрэ казармэ
ухуэныгъэхэмрэ тыхь ищIащ. 1850 гъэм члисэ ухуэныгъэр бадзэуэгъуэм и 1-м и
кIэм нагъэсащ. Члисэ зэхуэхьэсам куэдрэ щахъумащ дыщэ IуданэкIэ хэдыкIа
«За турецкую войну в 1828-1829 годах» тхыгъэр зытет Горскэ къэзакъ полкым и
ныпыр. 1940 гъэм жэпуэгъэм и 19-м Совет Нэхъыщхьэм и Президиумым и
постановленэм ипкъ иткIэ члисэ №32-р зэхуащIыжат Екатериноградскэ
станицэм и советым и гъэзэщIакIуэ комитетым и унафэкIэ ухуэныгъэ
материалхэр школ ухуэныгъэм хуагъэкIуэну. А постановленэм къару иIакъым,
сыту жыпIэмэ члисэ зэхуэхьэса ухуэныгъэр станицэдэсхэм гъавэ хъумапIэ
ящIри. 1991 гъэм члисэр фIэщхъуныгъэ зиIэхэм иратыжащ. Ар зэрагъэпэщыжа
нэужь ягъэнэхуащ.