2021 гъэм накъыгъэм и 7-м, тхьэмахуэ нэхум и мэремым, Псыхуабэ, Черкесск щIыналъэхэм я архиепископ Феофилакт пащтыхь шэнтиуэ махуэшхуэр щригъэкIуэкIащ Тхьэм и Анэм и «Живоносный источник» тхьэнапэм и цIэр зезыхьэ члисэ Нежинскэ къуажэм щыIэм. ТхьэлъэIу литургием хыхьэу щоджэн нэхъыщхьэм къулыкъур драгъэкIуэкIащ Кисловодскэ члисэ округым и щоджэнхэм благочиннэ, щоджэн нэхъыжь Знаменский Иоаннрэ къардэн Копач Петррэ я пашэу. Пастыр нэхъыщхьэм и гъусэу Тхьэ елъэIуащ къуажэдэсхэмрэ Кисловодск къикIыу Тхьэ елъэIуну къэкIуахэмрэ.
ТхьэлъэIу литургие, зэгъусэ тхьэлъэIу нэужьым Щихънагъым фIэщхъуныгъэ зиIэхэм Тхьэм и Анэм и узэщIыныгъэкIэ захуигъэзащ икIи Щоджэн нэхъыщхьэм къыбгъэдэкI щIыхь тхылъхэр яритащ Псыхуабэ епархиер къызэрыунэхурэ илъэсипщI зэрырикъум и щIыхькIэ Кисловодск благочинием и члисипщIым я клирикхэмрэ мамыр цIыхухэмрэ.
ИужькIэ архиепископ Феофилакт екIуэлIапIэм кIуэ цIыкIухэр игъэгуфIащ, дэтхэнэми IутIыж IэфIыкIэхэр яритри.
Зэхыхьэр щиухым зэгъусэу сурэтхэр зытрагъэхащ.