Кисловодск къалэм и Чристэн Свято-Никольскэ классическэ гимназием щекIуэкIащ «Зарницэ» дзэ-спорт махуэшхуэр. Ар теухуауэ щытащ джыназ Невский Александр къызэралъхурэ илъэс 800 зэрырикъумрэ Хэкум и хъумакIуэхэм я махуэмрэ. Джэгум и пэ къихуэу гимназием и унафэщI щоджэн нэхъыжь Знаменский Иоанн я гъэсэнхэр къыхуриджащ я зэкъуэтынагъэр ягъэлъэгъуэну, я къарумрэ зэфIэкIымрэ къызэкъуахыну икIи къыхуриджащ Тхьэм елъэIуну зыщамыгъэгъупщэну. 7-10 классхэм щIэсхэр гупих хъуащ. ЕджакIуэхэм я зэфIэкIыр утыку кърахьащ станцэ 11-м: «Спасительный круг», Назови памятник и место, где он установлен, «Эмблема». Хэку зауэшхуэм и махуэ хэхахэм теухуа упщIэхэр, япэ медицинэ дэIэпыкъуныгъэр зэращIэм, дзэзешэхэм я портретхэр къэщIэным, зауэ уэрэдхэр гъэзэщIэным, «Холокост», автоматыр зэпкърылъхьэн-зэпкърыхыным, «Переправа», картэмкIэ лэжьыгъэхэр. Гупхэм къалэм и къэзакъ зэгухьэныгъэмрэ 11 классым щIэсхэмрэ я зэфIэкIхэр къалъытащ. КъэпщытакIуэхэм къагъэлъэгъуащ увыпIэхэр зыхуэфащэхэр.