2020 гъэм щэкIуэгъуэм и 23-м Псыхуабэ, Черкесск щIыналъэхэм я архиепископ Феофилакт пастыр нэхъыщхьэхэм я гъусэу митрополит Дионисий къулыкъу дищIащ, Москва Патриархием и Iуэхухэр зезыгъакIуэ, Казанскрэ Татарстанскрэ я митрополит Феофан и тхьэлъэIу литургиемрэ хьэдэщIэлъхьэмрэ езыгъэкIуэкIам. ТхьэлъэIур щекIуэкIащ Казанскэ кремлым и Благовещенскэ члисэ зэхуэхьэсам.
Литургием и пэ къихуэу дунейм ехыжа митрополит Феофан иужьрей гъуэгуанэм трагъэувэжыну зэхуэсащ Тэтэрстан республикэм и къэрал чэнджэщэгъу, Республикэм и япэ Президент Шаймиев Минтимир. Щихънагъ Феофан и кхъащхьэм абы трилъхьащ удз гъэгъахэр. ИужькIэ щоджэн нэхъыщхьэхэм епсэлъащ, митрополием и Iэтащхьэ дунейм ехыжар иужьрей гъуэгуанэм трагъэувэжыну къэкIуахэм.
ТхьэлъэIум хэтащ Тэтэрстан митрополием и щоджэнхэр, Казанскэ епархием и управленэм и лэжьакIуэхэр, Казанскэ духовнэ семинарием и студентхэр, чристэн щIалэгъуалэр, къалэм и члисэхэм екIуалIэхэр.
Литургие нэужьым тхьэлъэIум хэтхэм захуигъэзащ митрополит Дионисий, Патриарх Кирилл митрополит Феофан дунейм зэрехыжам папщIэ щыгъуэ тхыгъэ къеджэри.
Къызэхуэсахэм захуигъэзащ Тэтэрстан республикэм и Президент Минниханов Рустам, Санкт-Петербург и губернатор Беглов Александр, Ульяновскэ областым и губернатор Морозов Сергей, УФ-м экономикэ зыужьыныгъэмкIэ и министрым и къуэдзэ Бабич Михаил.
ИужькIэ щихънагъ Дионисий пастыр нэхъыщхьэхэм я гъусэу иригъэкIуэкIащ митрополит Феофан и хьэдэщIэлъхьэ къулыкъур. Пастыр нэхъыщхьэм и бэныр Казанскэ кремлым и Благовещенскэ члисэ зэхуэхьэсам ихъуреягъкIэ къыщрахьэкIащ икIи Казанско-Богородицкэ цIыхухъу къулъшырыфым ягъэIэпхъуащ. Тхьэм и Анэм и Казанскэ тхьэнапэм и цIэр зезыхьэ члисэ зэхуэхьэсам и псэр зэгъэным теухуа къулыкъур щрагъэкIуэкIащ. Митрополит Феофан Казанскэ члисэ зэхуэхьэсам и тыхь щIапIэм деж щыщIалъхьащ, дунейм ехыжа щихънагъым и къарукIэ къагъэщIэрэщIэжам.