Тыркуменистаным щиIэ Урыс Чристэн Члисэм и екIуэлIапIэхэм я Патриаршэ благочинием и Управляющэ, Псыхуабэ, Черкесск щIыналъэхэм я архиепископ Феофилакт унафэ къищтащ Тыркуменистаным и екIуэлIапIэхэм я духовнэ-узэщIыныгъэ центрхэр зэрагъэгъэпэщыжыну. Пастыр нэхъыщхьэр Тыркуменистаным мазаем и 13-16-хэм зэрыщыIа зэIущIэм хыхьэу екIуэлIапIэхэм дэIэпыкъуным ехьэлIа программэм нэхъри зрагъэубгъуащ.
Пастыр нэхъыщхьэр щыщыIа япэ махуэм Ашхабад щыIущIащ Санкт-Петербург и губернатор Беглов Александр, Тыркуменистаным къалэм и лIыкIуэу кIуахэм я пашэм. ИужькIэ Щоджэн нэхъыщхьэр еплъащ Санкт-Петербург гъуазджэм и IэпщIэлъапщIэхэм я концерт Тыркумен лъэпкъ музыкэ-драмэ театр Махтумкули и цIэр зезыхьэм щрагъэкIуэкIам.
КъыкIэлъыкIуэ махуэм Щихънагъым тхьэлъэIу литургие щригъэкIуэкIащ Тыркуменбаши къалэм и Михайловскэ члисэм. Литургием хыхьэу Щоджэн нэхъыщхьэм тхьэлъэIу иригъэкIуэкIащ Чристэн Члисэхэм я зэкъуэтыныгъэм папщIэ. Архиепископ Феофилакт шей щызэдефэм екIуэлIапIэм кIуэхэм ялъигъэIэсыжащ Москварэ Урысей псомрэ я Патриарх Кирилл къыбгъэдэкI фIэхъусымрэ и псалъэ гуапэхэмрэ. Пастыр нэхъыщхьэм пщыхьэщхьэ тхьэлъэIур щригъэкIуэкIащ Байрамали къалэм щихъ Алексий и цIэр зезыхьэ и члисэм. Щихънагъыр еплъащ екIуэлIапIэм и духовнэ-узэщIыныгъэ центрым и пэшым икIи къыхигъэщащ Ашхабад къалэм и духовнэ-узэщIыныгъэ центрым и Патриаршэ пэшым и капитальнэ зэгъэпэщыжыныгъэр зэрыдиIыгъынур.
Сретения махуэм, махуэшхуэ литургие нэужьым Мары къалэм и Покров члисэм, архиепископ Феофилакт екIуэлIапIэм и пэшхэр зэрызэрагъэпэщыжым щеплъащ. Теджен къалэм, Пастыр нэхъыщхьэм пщыхьэщхьэ тхьэлъэIур щригъэкIуэкIам лэжьыгъэхэр и кIэм щынэблэгъащ. Зэрагъэпэщыжу зыхуей хуагъэзэжа нэужь, Щоджэн нэхъыщхьэм пэшыр игъэнэхуащ. Мары, Теджен къалэхэм проектхэр щыдиIыгъщ Патриаршэ центрым.
Архиепископ Феофилакт Тыркуменистаным зэрыщыIар зэхуащIыжащ Никольскэ, Александро-Невскэ члисэ Ашхабад щрагъэкIуэкIа тхьэлъэIухэмкIэ. ТхьэлъэIухэм я зэхуакум Щихънагъыр Ашхабад щыпсэухэм яIущIащ, Щоджэн нэхъыщхьэм Члисэ гъащIэм теухуа упщIэхэмкIэ зыхуэзыгъэзам. ЕкIуэлIапIэм кIуэхэм гъэщIэгъуэн ящыхъуащ иджырей чристэн зэхущытыкIэхэр.