2020 гъэм мазаем и 15-м, Сретения махуэм, Свято-Никольскэ классическэ гимназием и еджакIуэ тIощI кадет Iуэхум хагъэгъуэзащ.
Зэхыхьэр тхьэлъэIу литургие нэужьым Кисловодск къалэм и Никольскэ члисэ зэхуэхьэсам щрагъэкIуэкIащ. Гимназием и унафэщI щоджэн нэхъыжь Знаменский Иоанн Москварэ Урысей псомрэ я Патриарх Кирилл щIалэгъуалэм зэразыхуигъазэм къахуеджащ икIи къэзакъхэм я щIэблэм узэщIыныгъэкIэ захуигъэзащ. ИужькIэ къэзакъ цIыкIухэм тхьэрыIуэ ящIащ, ар Кисловодск къэзакъ зэгухьэныгъэм и атаман Семенов Александр итащ. Жорымрэ Инджылымрэ ба хуащIащ нэужь, къэзакъхэм тхылъ иратащ, унафэщIым къыбгъэдэкI саугъэтхэр щIыгъуу – къэзакъ тхьэлъэIухэр. ЕгъэджэныгъэмкIэ къалэ управленэм и унафэщI Бутин Юрий гимназием и гъэсэнхэм ехъуэхъуащ икIи къыхуриджащ къэзакъ хабзэхэр яхъумэну, къалэм и зыужьыныгъэм хуэлэжьэну.