2020 гъэм щIышылэм и 24-м Кисловодск къалэм щхьэр щыхуагъэщхъ «Казакам России» щIыпIэм, Кисловодск округым и екIуэлIапIэхэм я благочиннэ щоджэн нэхъыжь Знаменский Иоанн тхьэлъэIу щригъэкIуэкIащ, политикэ залымыгъэ зраха къэзакъхэм папщIэ. Кисловодскэ быдапIэм и блынхэм нэхъыжьхэм я фэеплъыр ягу къыщагъэкIыжащ къалэдэсхэмрэ Кисловодскэ къалэ зэгухьэныгъэм и къэзакъхэмрэ, атаман Семенов Александр я пашэу. ТхьэлъэIу нэужьым благочиннэм къэзакъхэр къыхуриджащ члисэм екIуэлIэну, я фIэщхъуныгъэр я нэхъыжьхэм хуэдэу яхъумэну.
Зеленчукскэ станицэм и Петропавловскэ члисэм щекIуэкIа фэеплъ пэкIум и пэ къихуэу тхьэлъэIу ирагъэкIуэкIащ. Члисэм и щоджэнхэмрэ станицэм и къэзакъхэмрэ хэкIуэда къэзакъхэм я псэр зэгъэн папщIэ тхьэлъэIу иригъэкIуэкIащ. Фэеплъ пэкIум хэтащ район, станицэ администрацэм я лIыкIуэхэр, станицэ школхэм я еджакIуэхэр, станицэм и щоджэнхэмрэ абы щыпсэухэмрэ. ПэкIу нэужьым фэеплъым удз гъэгъахэр тралъхьащ. Ищхъэрэ Къэрэшей-Шэрджэс округым и благочиннэ щоджэн нэхъыжь Нартов Александр Черкесск фэеплъ пэкIум хыхьэу тхьэлъэIу щригъэкIуэкIащ икIи Покров парк Черкесск дэтым деж Баталпашинскэ станицэр къыщызэзыгъэпэща къэзакъхэм фэеплъ щыхуагъэувыну. Винсанды къуажэм и Михайловскэ члисэм и унафэщI щоджэн Василенкэ Андрей Винсанды къуажэм и зэгухьэныгъэм и къэзакъхэр атаман Миронов Анатолий я пашэу щызэхуэсам тхьэлъэIу щригъэкIуэкIащ. УнафэщIым къэзакъхэм фIыщIэ яхуищIащ тхьэлъэIум папщIэ икIи чристэн диныр фIыуэ зылъагъуу щыта я нэхъыжьхэм я хабзэхэм тетыну къыхуриджащ.