2019 гъэм щэкIуэгъуэм и 22-м Черкесск и Покров члисэм Къэрэшей-Шэрджэсым и екIуэлIапIэхэм я щоджэнхэм къардэн Тришкин Виктор щIэлъэхьэным теухуа къулыкъухэр щрагъэкIуэкIащ. Къардэныр иужьрей гъуэгуанэм трагъэувэжыну кIуащ благъэхэр, екIуэлIапIэм кIуэхэр. Къардэн Тришкин Виктор 1948 гъэм шыщхьэуIум и 3-м Зеленчукскэ станицэм къыщалъхуащ икIи и гъащIэ псокIэ Черкесск и школхэм егъэджакIуэу щылэжьащ. ЕгъэджакIуэ къалэнымрэ Тхьэм къулыкъу хуэщIэнымрэ абы зэпымыууэ здихьащ, Черкесск и Никольскэ члисэ зэхуэхьэсам и екIуэлIапIэ советым и унафэщIу щытащ, Свято-Сергиевскэ гимназиер къыщызэIуахым хэтащ. 1993 гъэм Ставропольскрэ Бакинскрэ я митрополит Гедеон Тришкин Виктор къардэн къулыкъур хуигъэфэщащ. Черкесск и Покров члисэм и къардэну лэжьащ илъэс куэдкIэ. Иужьрей илъэсхэм Виктор зэрысымаджэм къыхэкIыу къулыкъухэр
хуэщIэжакъым. Псыхуабэ епархиемррэ благочиниехэмрэ къардэным дэIэпыкъуащ яхузэфIэкIымкIэ. И иужьрей махуэхэм пщIондэ Виктор Христос и щэхухэм зыхигъэгъуэзащ. И фэеплъыр зэи тщыгъупщэжынукъым!