2019 гъэм жэпуэгъуэм и 13-м Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Псыхуабэ и Спасскэ кафедральнэ члисэ зэхуэхьэсам. Щоджэн нэхъыщхьэм къулыкъур драгъэкIуэкIащ члисэ зэхуэхьэсам и щоджэнхэм. ХъыбарыфIхэр зэрыт тхылъ лъапIэм итхэм къеджа нэужь, Щихънагъым фIэщхъуныгъэ зиIэхэм узэщIыныгъэкIэ къеджащ.
ТхьэлъэIу нэужьым архиепископ Феофилакт дамыгъэхэр яритыжащ епархием и «Фотолетопись Благословенного Кавказа» зэпеуэм щытекIуахэм. Зэпеуэм и унэтIыныгъищым пашэ щыхъуащ Псыхуабэ и егъэджакIуэ Богдановэ Галинэ, Лермонтовэ къалэм лэжьыгъэр хъумэнымкIэ и IэщIагъэлI Тайчиновэ Ольгэ, ЕссэнтIыгу щыщ сурэттех Жуковэ Вероникэ. Къызэхуэсахэм я саугъэтыр иратащ псыхуабэдэсхэу ЖКХ-м и лэжьакIуэ Погорелов Алексей, сурэтыщI Биченовэ Ольгэ, студент Гаспарян Валентинэ, лъахэхутэ музейм и лэжьакIуэ Авдеенкэ Изабеллэ. Псыхуабэ епархием и архитектурно-ухуэныгъэ къудамэм и унафэщI щоджэн нэхъыжь Бондарчук Андрей щIыхь тхылъыр яритащ къызэхуэсахэм зи лэжьыгъэхэр ягу дыхьахэм, Пастыр нэхъыщхьэм игъэлъэпIащ унэтIыныгъэ дэтхэнэми къыхэжаныкIахэр икIи щIыхь тхылъхэм я гъусэу сертификатхэр тыгъэ яхуищIащ ЩIыналъэ ЛъапIэм пщIэншэу зэрыкIуэнухэр. А махуэм и пщыхьэщхьэм Псыхуабэ, Черкесск щIыналъэхэм я архиепископ Феофилакт Тхьэм и Анэм и Покров махуэшхуэр ЕтIэкъуэ къуажэм и Покров члисэм щигъэлъэпIащ. Щоджэн нэхъыщхьэм къулыкъур драгъэкIуэкIащ Лермонтовскэ члисэ округым и щоджэнхэм благочиннэ щоджэн нэхъыжь Фаустов Константин, къардэн Копач Пётр я пашэу. ТхьэлъэIу нэужьым Пастыр нэхъыщхьэм екIуэлIапIэм кIуэхэм захуигъэзащ икIи щIыналъэ лъапIэм Тхьэ елъэIуну къэкIуахэр иузэщIащ.