Быйыл август айны 20-да Пятигорске бла Черкесскени архиепископу Феофилакт, Пятигорскени епархия юйюню Иверский клисасында Дин къуллукъ бардырды. Архиерейге дин къуллукъ болушлукъну Пятигорский поселокда Серафим Саровский клисаны тамадасы протоирей Дементьев Григорий бла диакон Копач Петр этдиле. Архипастырь бла бирге Пятигорскечиле эмда епархия управленияны къуллукъчулары да тилекле этдиле. Дин къуллукъдан сора Владыка , Григорий басны джыйырма джылны халал къуллукъ этиб тургъаны ючюн алгъышлаб Архиерейли грамота да берди.»Багъалы Григорий бабас, сизни этиб тургъан ишигиз ючюн таза джюрекден алгъышлайма, Сиз Пятигорский поселокда клисада Аллахны тоханасыны аллында халал къуллукъ этесиз, сизни кючю бла къаты община къуралгъанды, биз терт джылны мындан алгъа нюр салгъан ариу клиса ишленнгенди, кебюсюне керти дин ата болгъансыз, мындан ары да Аллахдан разылыкъ табханлай туругъуз»,-деб айтды архиепископ Феофилакт. Владыка бла Протоирей Дементьев Григорий епархияны аш юйюнде клис агъа келген джамагъат бла ушакъ этдиле.