2019 гъэм мэлыжьыхьым и 7-м, Тхьэм и Анэм и Благовещения махуэшхуэм, Псыхуабэ, Черкесск щIыналъэхэм я архиепископ Феофилакт Минводы къалэм и щэнхабзэ-тхыдэ музейм и залыщIэм. Япэрейми хуэдэу, а экспозицэр 2017 гъэм Пастыр нэхъыщхьэр хэту къызэIуахащ, Минераловодскэ районым и къэзакъ
зэгухьэныгъэм и атаман Губенкэ Олег и жэрдэмкIэ ар къызэрагъэпэщащ. Абы сурэтхэр утыку къыщрахьащ, хьэпшыпхэр щIыгъуу, Урысей империем и къэзакъыдзэхэм я псэукIар уи нэгу къыщIигъэхьэжу: Тэрч, Кубань, Дон, Сыбыр, Оренбург, Забайкал, нэгъуэщIхэри.
Япэ музей пэшыр Япэ дунейпсо зауэм теухуащ, урыс революцэм, Граждан зауэм, иджырейр – XIX лIэщIыгъуэм и зэблэхъугъуэмрэ XX лIэщIыгъуэм и пэщIэдзэ тхыдэ лъэхъэнэхэмрэ.
Блынхэмрэ стеллажхэмрэ щыплъагъурт скиф, кобан, дыщэ щэнхабзэхэм ехьэлIа хьэпшыпхэр, дзэ зэпэщIэтыныгъэхэм щыхьэт техъуэ дэфтэрхэр, Кавказ зауэм ехьэлIахэр, дзэзешэ цIэрыIуэхэм я сурэтхэр, Iэщэ зэмылIэужьыгъуэхэм я щапхъэхэр, тхылъхэр, сурэтхэр, тхьэнапэхэр.
Архиепископ Феофилактрэ Губенкэ Олегрэ я IуэхущIафэхэм зэпащIэ къэзакъ щэнхабзэр фIыуэ зылъагъухэм я Тэрч зэгухьэныгъэ къагъэщIэрэщIэжам. Тэрч къэзакъ Щихънагъ Феофилакт выставкэр игу ирихьащ икIи къэзакъхэм, псом хуэмыдэу щIалэгъуалэм я дежкIэ абы иIэ тхыдэ узэщIыныгъэмкIэ и мыхьэнэр къилъытащ.
- Быдэу си фIэщ мэхъу мы музейм къыщыкIуэкIэ, ди тэрч къэзакъхэмрэ ди хьэщIэхэмрэ блэкIами иджырейми зэрызыхагъэгъуэзэфынур. Уи нэхъыжьхэр зыщумыгъэгъупщэнри лIыгъэщ, - къыхигъэщащ Пастыр нэхъыщхьэм.
Губенкэ Олеги жиIащ узэщIыныгъэ, егъэджэныгъэ зэхыхьэхэр музейм къызэрыщызэрагъэпэщыр.