2019 гъэм мэлыжьыхьым и 5-м и пщыхьэщхьэм Псыхуабэ, Черкесск щIыналъэхэм я архиепископ Феофилакт монах постриг къулыкъур щригъэкIуэкIащ Георгиевскэ цIыхубз къулъшырыфым. ТхьэлъэIум хыхьэу уэрэд жиIащ къулъшырыфым и шыпхъухэм я хорым. Я щхьэцхэр щIащащ инокиня Саломия (Глотовэ), инокиня Рахиль (Архиповэ), монахиня Еленэ (Исаевэ). Къулыкъу нэужьым Щихънагъым шыпхъухэм узэщIыныгъэкIэ захуигъэзащ, къулъшырыфым щыIэхэм гуапэу епсэлъащ.
Монах постригыр – монаххэм хэгъэхьэным теухуа Iуэхущ, зи щхьэцыр щIащэм тхьэрыIуэхэр ещI икIи Тхьэм и нэфIыр къыщохуэ. Монах лIэужьыгъуищ щыIэщ: ясофор, мантия, схима. Рясофор щхьэц щIэщэр тхьэлъэIу хэхахэр жаIэурэ жор щIыкIэм тету ирагъэкIуэкI, ауэ абы щыгъуэми щIэкIэ зэрахъуэкI е зэрыщытауэ къагъэнэж. Щхьэцыр щIэзыщэм тхьэрыIуэ ищIкъым, атIэ монах гъуэгум зэрытехьэмкIэ Тхьэр къегъэгугъэ инок гъащIэм емыпцIыжыну. Зи щхьэц щIащагъащIэм рясэ, клобук щыгъыныгъуэхэр щетIагъэ икIи «рясофрнэ монах», «инок» цIэхэр зэрехьэ.
Схимэ цIыкIу щхьэц щIэщэр е мантиер щрагъэкIуэкIкIэ зи щхьэц щIащэм Тхьэр къегъэгугъэ нэчыхь имыIэну, унафэщIымрэ шыпхъухэмрэ едэIуэну. И щхьэцыр щыщIащэкIэ абы цIэщIэ фIащ, монах щыгъынхэр щатIагъэ, мантий монахкIэ е «монахкIэ» йоджэ.