Быйыл февраль айны 27-де Шимал Кавказны муслиманларыны Координацион аралыгъыны президиумуну тамадасы, Къарачай-Черкесияны муфтийи Бердиланы Исмаил хаджи алтмыш беш джыллыгъын белгиледи. Бу кюннге джоралаб Черкесскеде, Кавказны муслиманларыны Баш дин Советини кенгеши болуб етген эди. Ары Азербайджан республиканы муфтийи шей-уль ислам Пашазаде Аллахшукюр, Шимал Кавказны республикаларыны муфтийлери бла Къарачай- Черкесияны Башчысы Темрезланы Рашид да келген эдиле. Бу джыйылыуну сыйлыы къонакълары болуб Пятигорске бла Черкесскени архиепископу Феофилакт блв Баку бла Азербайджанны архиепископу Александр да келген эдиле. Юбилярны джылы алгъышлаб, архиепископ Феофилакт Берди улу Исмаил- хаджи Кавказда тюрлю-тюрлю динлени арасында шохлукъну сакъларгъа уллу юлюш къошханын да чертди.
«Исмаил-хаджини сезюню керти кючю, кавказлы акъсакъалны керти сезюча бегимлиди. Ол сез джау болгъанланы джарашдырады, джангылгъанланы тюзетеди, нгыланмагъанлыкъны ангылатады. Ол сезню кючю Уллу Аллахха ийнанмакълыкъданды, кесини адетлерин билиудю, халкъына Кавказгъа сюймеклиги. Энтда да талай джылны Исмаил-хаджини ашхы акъыллы сезлери тау ауушланы барында да эштилиб – мамырлыкъны шохлукъну джайсын»,- деб айтды архиепископ Феофилакт.