Совет зауэлIхэр Афганистаным къызэрырашыжрэ илъэс 30 щрикъумрэ Хэкур хъумэным и махуэмрэ ирихьэлIэу Зеленчукскэ станицэм и курыт еджапIэм и еджакIуэхэм папщIэ лIыхъужьыгъэм и дерс ирагъэкIуэкIащ Жылагъуэ советымрэ Урысей МВД-м и МО-м и «Зеленчукский» ветеранхэм я Советымрэ.
Дерсым хыхьэу Жылагъуэ советымрэ ветеранхэм я советымрэ я унафэщI мылицэм и майор Батчаев Мухьэт къытеувыIащ Къэрэшей-Шэрджэсым и къуэ пажэ генерал-полковник Магометов Солтан и гъащIэм.
Жылагъуэ советым хэт, Ипщэ Къэрэшей-Шэрджэс члисэ округым и екIуэлIапIэхэм я благочиннэ щоджэн нэхъыжь Субтельный Евгений еджакIуэхэм епсэлъащ, хэкупсэ, хэку лъагъуныгъэ псалъэхэм я мыхьэнэм къыщытеувыIам, щIалэгъуалэр социальнэ сайтхэм зэпымыууэ зыщрихьэлIэхэм.
ЗэIущIэр щиухым еджакIуэхэр ирагъэплъащ Урысей МВД-м и Iэщэхэу щапхъэу къагъэлъэгъуахэм икIи «Зеленчукский» IуэхущIапIэм и районкIуэцI къудамэм и пэшхэм зыщрагъэплъыхьащ.