ЩIыналъэр егъэфIэкIуэным теухуа сыт хуэдэ унэтIыныгъэр къыхэпхын, къэралым зыгъэпсэхупIэм зегъэужьыным, ар егъэфIэкIуэным теухуа сыт хуэдэ хабзэхэр къэпщтэн, гидроминеральнэ базэр хъумэным ехьэлIауэ сыт пщIэн, къалэр ревилтализацэ хуэныкъуэ? Ахэри нэгъуэщI Iуэхугъуэхэми щытепсэлъыхьащ Псыхуабэ и жылагъуэ советым. Губернаторым и унафэкIэ апхуэдэ зэIущIэхэр зыгъэпсэхупIэм и щIыналъэ псоми щрагъэкIуэкIынущ. Зэхыхьэм хэтащ къалэм и Жылагъуэ советым хэт Псыхуабэ, Черкесск щIыналъэхэм я архиепископ Феофилакт.
Псыхуабэ и жылагъуэ советым хэтхэр тепсэлъыхьащ зыгъэпсэхупIэм и инфраструктурэм и Iуэху зэIумыбзхэмрэ ахэр зэрагъэзэкIуэжынумрэ, КМВ-м и правовой статусыр къыхагъэщыну яубзыхуащ, тхылъхэм щыхэплъэкIэ академие щIэныгъэр Iуэхум къыхашэну унафэ ящIащ. СКФУ-м Псыхуабэ щиIэ къудамэм и лэжьакIуэхэм къалэм и ревитализацэ проектыр утыку кърахьащ, псымкIэ Музей къызэгъэпэщынри хэту. ЗыгъэпсэхупIэ унэтIыныгъэр, туризмым хыхьэр, узыншагъэр егъэфIэкIуэныр икIи зыгъэпсэхуныр – Кавминводым зегъэужьыным хохьэ.
ЗэIущIэм хэтхэр тепсэлъыхьащ зыгъэпсэхупIэр егъэфIэкIуэным ехьэлIауэ ахъшэ зэхадзэну. Абы къыхэкIа псори трагъэкIуэдэнущ Псыхуабэ и Цветник паркыр егъэфIэкIуэным. Ар иджыпстуи зыхуей хуагъазэ, кIуэ пэтми нэхъри зэрагъэпэщыжынущ. ЗыгъэпсэхуакIуэхэм я ахъшэ зэхэдзэкIэ фIэкIа пхузэфIэмыхыну лэжьыгъэхэри щыIэщ. Псыхуабэ и жылагъуэ советым хэтхэр арэзы техъуащ ахъшэ зэхэдзэ Iуэху къыхалъхьам.