Святка кюнледе , Пятигорскеде шахар больницада къуралгъан Симферопольну архиепископу Лука шыйыхны сыйына аталгъан клисаны тамадасы иерей Видяпин Александр милосердия эгечле бла бирге, байрам дин къуллукълагъа келирге мадарлары болмагъан къартлагъа къонакъгъа бардыла. Азыкъ хызенле бла саугъаланы ала юйлеге айланыб бериб чыкъдыла.
Андан сора да православ динчи бла милосердия эгечле шахар больницаны гитче пацинтчиклерине саугъала бла келдиле. Рождество Христованы тамам кюнюнде уллу байрам этиб, къуанч кюнледе «Библейский сюжет» деген ат бла сабий суратланы творчество конкурсуна къошулгъанлагы грамотала бла саугъалаб ечле да бердиле. Бу байрамгъа больницада саулукъларын бакъдыргъан сабийле да келген эдиле.