2018-чи джылны эсеблерин чыгъарыу бла Зеленчюк станседе къазакъ джамагъатны отчет джыйылыуу болуб етдю. Аны ишине Къобан къазакъ аскерни Баталпаша белюмюню атаманыны биринчи орунбасары къазакъ полковник Ермаков Геннадий, Къарачай-Черкесияда Къыбла клиса округну пиходларыны джуаблы динчиси протоирей Субтельный Евгений, Зеленчюк муниципал районну администрациясыны терроризмге къаршчы комиссияны председатели Миронычев Виктор эмда Зеленчюк къазакъ район джамагъатны атаманы къазакъ старшина Федоров Владимир къошулдула. 2018-чи джыл Зеленчюк къазакъ джамагъхатны ишинден баш докладны ЗСКО-ну атаманы есаул Дранников Сергей этди. Етген джыл эм уллу джетишимге, джаш телю къазакъ сотняны ишин тирилтиу саналгъанды. Докладдда дагъыда къазакъ джамагъатны аллыбызда заманда этиллик магъаналы ишле да айтдылгъандыла. Атаман, станседе къзакъ джанына джораланнган классны къурауну баш борчха санагъанын билдирди. Джыйылгъанлагъа докладла, къазакъ сюдню председатели Кравченко Николай, финанс-ревизия комиссияны председатели Махота Василий эмда акъсакъалланы советини председатели Коломойцев Евгений этдиле. Тюбешиуню кезюуюнде, етген джыл къазакъ джамагъатны баджаргъан ишин хайырлыгъа санадыла.