Быйыл декабрны 17-де великомученица Варвара шыйыхны эсгериу кюн Къарачай-Черкесияда Орджоникидзе пселогуну православ джамагъаты байрам этдиле. Ол кюн дин къуллукъну Варваринский клисада Къарачай-Черкесияда Къыбла клиса округну приходларыны джуаблы динчиси протоирей Субтельный Евгений бардырды. Анга да дин къуллукъ болушлукъну клисаны тамадасы иерей Фоменко Сергий бла Исправна станседе Михаило-Архангельский клисаны тамадасы иерей Якушев Александр этдиле. Адетдеча къачлы джюрюшден сора джуаблы православ динчи клисаны джамагъатына Пятигорске бла Черкесскени архиепископу Феофилактны алгъышын айтды. Хар джыл сайынча бюгюн да православ динчиле да клисаны джамагъаты да 2010-чц джыл окь\тябрны 31-ден ноябрны 1-не атлай ачы иш, аманлыкъчыла Варваринский клисаны иш этиб джандыргъанларын эсге тюшюрдюле. Айтылгъан болушлукъну киши да бермеди, ол себебден клисагъа джюрюген джамагъат кеслерини къарыулары бла клисаны джангыдан мишлеб кюрешедиле. Джуаблы православ динчи клисаны ишлерге юлюш къошханлагъа джюрек разылыггъын билдирди. Бу къуанчны бирден олтуруб туз-дамдан ауузланыб тамамладыла. Ол кюн огъунакъ Суворовка станседе Варвара шыйыхны сыйына аталгъан клисада байрам дин къуллукъну станседе Вера, Надежда, Любовь эмда аналары София шыйыхланы сыйларына аталгъан клисаны тамадасы протоирей Иванилов Роман бардырды. Бу шыйыхны сыйн керюрге стансени грек джамагъаты келген эди.