Быйыл ноябрь айны 23-де Черкесскени Свято-Сергий гимназиясында 2-чи Сергий окъуула болуб етдюле. Ол кюн гимназиягъа къонакъгъа республиканы билим бериу бла илмуну министирини орунбасары Бекижева Фатима, МЧС-ни баш управлениясыны тамадасы Шарков Сергей, Черкесскени мэриясыны билим бериу управлениясыны тамадасыны орнун толтургъан Лавринец Константин, Къарачай-Черкесияда Шимал клиса округну пиходларыны джуаблы динчиси протоирей Нартов Александр келдиле. Ол окъуулагъа Нарсанада Православ Свято-Никольский гимназияны, Свято-Сергий гимназияны эмда Черкесскеде 11-чи номерли билим берген Аралыгъыны сохталары къошулдула. Аны келечилери , Сергий шыйыхны джашауу бла байламлы кеслерини тинтиу ишлерини презентацияларын кергюздюле. Андан сора «Живое слово» деген ат
бла окъуучуланы конкурсу бла «Житие Сергия Радонежского» деген сурат конкурсну эсеблерин да белгиледиле. Бары да сыйлв саугъалагъа эмда грамоталагъа ие болдула. Конференциядан сора аны келечилери Черкесскени Никольский клисасы бла «Джашил айрымкан» паркда болдула, анда ала Эресейни ГИМС МЧС-ни Къарачай-Черкесияда белюмню къутхарыучу пунктунда. Гитче къайыкъланы юсю бла баш кърал инспектор Денисенко Виктор сабийлеге къутхарыучуланы ишлеринден эмда техникаларындан да хапар айтды.