Псыхуабэ и Спасскэ кафедральнэ члисэ зэхуэхьэсам унафэщI щоджэн Мовчанов Димитрий и пашэу волонтёрхэр щыIащ Кавказым и Минводы и щIыналъэ лъапIэхэм. ТхьэлъэIу кIэщIым иужькIэ члисэ зэхуэхьэсам тхьэлъэIу щрагъэкIуэкIри гъуэгу техьащ. Апостол Пётррэ Павелрэ я цIэр зрихьэу ЕссэнтIыгу къалэм дэтым щIыналъэ лъапIэм щыщхэр Тхьэ щелъэIуащ. ТхьэлъэIу нэужьым Петропавловскэ члисэм и клирик щоджэн Мартыненкэ Максим комплексым зыплъыхьакIуэ щригъэкIуэкIащ икIи щIыналъэ лъапIэм кIуэхэр зыщIэупщIахэм жэуап иритащ.
ИужькIэ волонтёрхэр Свято-Георгиевскэ цIыхубз къулъшырыфым кIуащ, абы и тхыдэм зыщыхагъэгъуэзащ, къулъшырыфым и члисэм щыIащ, лъапIэныгъэхэм деж тхьэлъэIу щрагъэкIуэкIащ, Кисловодск къалэ-зыгъэпсэхупIэм Тхьэ щелъэIуащ. ЩIыналъэ лъапIэм кIуэхэм абдеж зыщыхагъэгъуэзащ Тхьэм папщIэ бэлыхь куэд зрагъэшэча Пантелеимон, Воздвижения члисэм, Телъыджэ къэзыгъэхъу Николай и цIэр зезыхьэ члисэ зэхуэхьэсам я тхыдэм. Кисловодск икIыу тхьэлъэIум хэтахэр Минводы кIуащ, Тхьэм и Анэм и Покров члисэ зэхуэхьэсам, Феодосий, Тхьэм и нэфI зыщыхуа нэгъуэщI щихъхэм я къарум щыщ Iыхьэхэм деж Тхьэ щелъэIуам. Покров члисэ зэхуэхьэсам и клирик щоджэн Бунтин Вадим музейм защригъэплъыхьащ, Кавминводы чристэныгъэр илъэсищэрэ щэщIрэ зэрырикъур щагъэлъапIэм ирихьэлIэу къызэIуахар. ЗэIущIэр
щиухым члисэ цIыкIум кIуахэщ Феодосий щыщIалъхьам деж, щIыналъэ лъапIэм кIуахэм тхьэлъэIу щрагъэкIуэкIам.