Пятигорск епархияда быйыл октябрь айны 26-да епархиал юйде Пятигорске бла Черкесскени архиепископу Феофилакт, Пятигорск шахарда Раббийни Анасыны Смолен иконасыны тамадасы протоирей Симанович Олег бла тюбешди. Архипастырь аны бла, епархияны джеринде православ литератураны джаяргнъа онг берген «Народная библиотека» деген проектни сюздюле. Басма Советни теджеую бла Орус Православ Клисаны епархияларында, китабланы джаяргъа, китабхана сетни айнытыргъа, башха китабханала бла байламлылыкъ джюрютюрге бир джуаблы адам сайланыргъа керекди. Архиерейни буйругъу бла Раббийни Анасыны Смолен иконасыны клисасыны тамадасы протоирей Симанович Олег салыннганды, ол талай джыл болады Пятигорскеде китабханала бла байламлылыкъ тутуб джетишимли ишлеб тургъанлы. Ол тюбешиуге Пятигорск епархияда клиса сауут джайгъан белюмню тамадасы Чечин Сергей да къошулгъан эди. Владыка ала бла приход китабханаланы кенг джаяргъа, башха китабханала бла байламлылыкъ асламыракъ этиу эмда Православияны юсюнден сейир литератураны кебюрек этерге кереклисини юсюн да селешди.