2018 гъэм жэпуэгуъэм и 16-м Черкесск и Покров члисэм «Двуглавый орёл» щIыналъэ къудамэм щекIуэкIащ «Роль казачества в укреплении российской государственности: история и современность» зэIущIэр. Ар иригъэкIуэIкащ жылагъуэм Къэрэшей-Шэрджэс щIыналъэ къудамэм щиIэ зэгухьэныгъэм и унафэщI, КъШР-м и ЦIыхубэ Зэхуэсым (Парламентым) и депутат Жедяев Олег. Зэхыхьэм хэтащ «Двуглавый орел» утыр тхыдэ узэщIыныгъэм и зыужьыныгъэмкIэ Зэгухьэныгъэм и гъэзэщIакIуэ унафэщIым и къуэдзэ Атаев Артур; Псыхуабэ епархием Ищхъэрэ Къэрэшей-Шэрджэс округым щиIэ благочиннэ щоджэн нэхъыжь Нартов Александр, Кубан къэзакъыдзэм и Баталпашинскэ къудамэм и атаман Бородкин Виктор; атаманым и дэIэпыкъуэгъу Дейдименкэ Игорь; Кубань къэзакъыдзэм и Баталпашинскэ къудамэм къалэм щиIэ къэзакъ
зэгухьэныгъэм и штабым и унафэщI, КъШР-м и жылагъуэ палатэм хэт Пешков Александр, КъШР-м лъэпкъ IуэхухэмкIэ, цIыхубэ коммуникацэхэмрэ печатымкIэ и министрым и къуэдзэ Гузко Сергей; КъШР-м КурортхэмкIэ, туризмымрэ щIалэгъуалэ политикэмкIэ министерствэм щIалэгъуалэм я IуэхухэмкIэ щиIэкъудамэм и унафэщI Пархоменкэ Наталье; КъШР-м гуманитар къэхутэныгъэхэмкIэ и Институтым и унафэщI Кратовэ Наталье; Черкесск къалэм и курыт еджапIэ №6- м и унафэщI Клименкэ Галинэ.
Урыс тхыдэ узэщIыныгъэм зегъэужьынымкIэ «Двуглавый орёл» Жылагъуэм и проектхэр япэщIыкIэ утыку кърахьащ. Зэгухьэныгъэм и издательскэ, узэщIыныгъэ Iуэхухэм зэхыхьэм хэтхэр хигъэгъуэзащ Атоев Артур. ИужькIэ къэпсэлъащ благочиннэр. Ар къызэхуэсахэм яхутепсэлъыхьащ Покров члисэм итхыдэм, къэзакъхэм члисэм щаIэ мыхьэнэм, XIX лIэщIыгъуэм екIуэлIапIэм кIуэхэм члисэм тыгъэ хуащIа тхьэнапэжьхэр яригъэлъэгъуащ, пащтыхь Александр II и гъащIэр зэрихъумам папщIэ Тхьэм фIыщIэ хуащIу.
Кубань къэзакъыдзэм и Баталпашинскэ къудамэм и атаманым и дэIэпыкъуэгъу Дейдименкэ Игорь къыхигъэщащ нобэ къэзакъхэм я тхыдэм, къэзакъхэм, Тхьэм я зэщIыныгъэхэм теухуауэ куэд щIалэгъуалэм зэрамыщIэр.
«Егъэджэныгъэ программэхэм, проектхэм, къэзакъ тхыдэм теухуа тхылъхэр къыдэгъэкIыным ехьэлIауэ къэрал дэIэпыкъуныгъэ щыIэн хуейщ. Къэзакъхэм я къулыкъум теухуа выставкэхэр, гъэлъэгъуэныгъэхэр къызэрагъэпэщыпхъэщ», - къыхигъэщащ атаманым и дэIэпыкъуэгъум.Черкесск къалэм и школ №6-м и унафэщI Клименкэ Галинэ зэIущIэм хэтхэм яхутепсэлъыхьащ къэзакъ класситIым я лэжьыгъэхэм. Абы щIэщыгъуэ щыхъуащ къэзакъ кадет корпусым и «Двуглавый орёл» зэгухьэныгъэм хэтхэм папщIэ гъэ къэс сочиненэ тхынымкIэ къызэрагъэпэщ зэпеуэм зэрыхэтар, Урысей тхыдэмтеухуауэ.
Доклад нэужьым абы хэтахэр къытеувыIащ адэкIэ зэрызэдэлэжьэнум икIи къыхагъэщащ Къэрэшей-Шэрджэс республикэм и Iэгъуэблагъэм урыс къэралыгъуэр гъэбыдэным къэзакъхэр нэхъ жыджэру зэрыхэтынум зэрыхуэлэжьэнур.