Кисловодск и Чристэн Свято-Никольскэ классическэ гимназием щекIуэкIащ Урысей космонавтикэмкIэ Циолковскэм и цIэр зезыхьэ и академием и академик, СССР-м и Къэрал саугъэтым и лауреат, техникэ щIэныгъэхэм я кандидат, «Рособемаш» Корпорацэ» ОАО-м и генеральнэ унафэщIым и къуэдзэ Габелко Игорь.
Ар тепсэлъыхьащ хьэрш станцэхэр къызэрызэрагъэпэщам, хьэршыр къызэрагъэIурыщIам, япэ космонавтхэр лъэтэным зэрыхуагъэсам, урыс щIэныгъэлIхэм космонавтикэм теухуа я ехъулIэныгъэхэм. Гимназием и гъэсэнхэм хьэщIэхэм упщIэ иратащ хьэршым теухуауэ. Академикым абыхэм жэуап иритащ. ЕджакIуэхэм гъэщIэгъуэн ящыхъуащ щIэныгъэлIым и гъащIэмрэ и гуащIэмрэ, конструктор нэхъыщхьэхэм я Зэгухьэныгъэм зыбжанэрэ зэрыхэтар, щIэныгъэ лэжьыгъэу 9, изобретателу зэрыщытым щыхьэт техъуэ свидетельствэ 12 зэриIэр.
Лекцэ нэужьым гимназием и унафэщI щоджэн нэхъыжь Знаменский Иоанн хьэщIэм фIыщIэ хуищIащ хъыбар гъэщIэгъуэн икIи щIэщыгъуэ къызэриIуэтэжам папщIэ.