Быйыл сентябрь айны 15-де кечеги дин къуллукъ бла Ессентюк шахарны Пантелеймон клисасында джыл сайын да баргъан "Радость Слова" и "Благословенный Кавказ",деген православ кермючлени ачылыуу болуб етдю.Анда дин къуллукъну, Орус Православ Клисаны Басма Советини председатели Калуга бла Боровскийнни митрополити Климент,Пятигорске бла Черкесскени архиепископу Феофилакт, Махачкала бла Грозныйни архиепископу Варлаам, Ессентюк клисаокругну динчилерини болушлукълары бла бардырдыла. Бары да бирге этген дин къуллукъдан сора Ессентюкню Театрал майданында Пятигорск епархияны болушлугъу бла «Православная книга» деген ассоциациа бла Басма Совет къурагъан форумну ачылыуу болду. Митроплит Климент бла архиепископ Феофилакт, форумну дин сыйы Николай Чудотворец шыйыхны сакъланнган сюек кесеклерини аллында тилек этдиле. Кермючлеге къошулгъанла бла къонакълагъа Ессентюк шахарны башчысы Некристов Александр хошкелдилик айтды. Аны ачылыууна Патриархы литература ечню лауреаты джазыучу Николаев Виктор да къошулгъан эди. Архипастырла бла къонакъла православ форумгъа къошулгъанла тюбешиб ушакъ да этдиле. Андан сора Шаляпин атлы ара концерт залда "Взбранной воеводе", деген литкратура-музыка композициягъа къарадыла. Театрал халда бу джарыкъ представления биринчи кермючню бир белеги болгъаны президент грантланы Форумуну болушлугъуну кючюнденди. Кермючню къонакъларына уллу программа хазырланнганды: дин къуллукъла, конференцияла, джазыучула бла православдинчиле бла тюбешиуле, паломник турланы ойнатыу боллукъду. Джаш къауумгъа форумну къурагъанла сабий къуанчла бла конкурсла хазырлагъандыла. Ессентюкню Театрал айданында кермючле чсентябрь айны 19-на дери барлыкъдыла.