Псыхуабэ, Черкесск щIыналъэхэм я архиепископ Феофилакт IущIащ епархием и щоджэн нэхъыжь Устименкэ Филипп. Щоджэныр ехъуэхъуащ пресвитор къулыкъур къызэрыхуагъэфащэрэ илъэс 60 зэрырикъум папщIэ икIи иритащ «Псыхуабэ епархиер егъэфIакIуэным хуищIа хэлъхьэныгъэхэм папщIэ» медалым и етIуанэ нагъыщэр.
Щихънагыр гуапэу ехъуэхуъащ щоджэным икIи узыншагъэ иIэну, Тхьэр къыдэIэпыкъуну зыхуигъэзащ.
***
Щоджэн нэхъыжь Устименкэ Филипп 1958 гъэм шыщхьэуIум къулыкъур къыхуагъэфэщащ, Псыхуабэ, Черкесск епархием и щоджэнщ, жэпуэгъуэм и 18-м 1930 гъэм Абхъазым и Псху къуажэм фIэщхъуныгъэ щызекIуэ унагъуэм къыщалъхуащ. ИлъэситI ипэкIэ, 1928 гъэм унагъуэм Ипатовэ къалэм пэгъунэгъу и псэупIэр ибгынэн хуей хъуащ, коллективизацэм, совет властым и нэгъуэщI зэхъуэкIыныгъэхэм зыщахъумэу. Ауэ абыхэм захуэгъэпщкIуакъым. Анэр пасэу дунейм ехыжащ. Беломорканалым тIэунейрэ ягъэкIуащ я адэ 58-нэ статьямкIэ ягъэтIысар. Зауэм и пэ къихуэу и унагъуэм къигъэзэжащ, сымаджэу, и фэм куэд дэкIауэ.
ФIэщхъуныгъэ зыхэлъ унагъуэм щапIа адэр куэдрэ мыгупсысэу Ставрополь духовнэ семинарием Куржым и Каллистартым щиунэтIым арэзы хъуащ, 1953 гъэм къиухам. Щоджэн нэхъыжь Устименкэ Филипп илъэс хыщIым щIигъуауэ къулыкъу ещIэ.