2018 гъэм бадзэуэгъуэм и 16-м, Налшык къалэм Урысейм и Президентым и Полномочнэ лIыкIуэ Мартовников Александр Къэбэрдей-Балъкъэрым и дин IуэхущIапIэхэм я пашэхэм щыIущIам хэтащ Псыхуабэ, Черкесск щIыналъэхэм я архиепископ Феофилакт зэIущIэм Полпредыр республикэм къыщыкIуам хэтащ. Республикэм и дин IэухущIапIэхэм Урысейм и Президентым и полномочнэ лIыкIуэр щаIущIам фIыщIэ яхуищIащ жылагъуэр псэкупсэ къулеигъэкIэкъызэрагъэщIэрэщIэжым папщIэ, Урысейм и дин хабзэхэр зэрыхахьэм папщIэ. Абы къыхигъэщащ Сирием щекIуэкI дунейпсо терроризмым дунейпсом зыщрагъэубгъуну зэрыхэтыр.
«Урысей къэралыгъуэр Кавказ Ищхъэрэм щыгъэбыдэным, гражданхэм я мамырыгъэмрэ зэгурыIуэныгъэмрэ хъумэным ди къару зэкъуэткIэ дыпэщIэувэн хуейщ», - къыхигъэщащ Матовников Александр.
Архиепископ Феофилакт къытеувыIащ Къэбэрдей-Балъкъэрым и социальнэ, узэщIыныгъэ проектхэу Псыхуабэ епархием щагъэзащIэхэм. «Къэбэрдей- Балъкъэрым зэхъуэкIыныгъэфIхэр къыщыхъуащ. Республикэм и Iэгъуэблагъуэм къыщызэIуахащ Александровскэ станицэм и чристэн екIуэлIапIэм и сабий екIуэлIапIэ. Сабий 80-м щIигъум дэIэпыкъуныгъэ, щIэныгъэ абы щрагъэгъуэтащ. Иджыпсту унагъуэ хъуауэ ахэр мэпсэу.
Администрацэр, Республикэм и Iэтащхьэр и дэIэпыкъуэгъуу, мы гъэм къызэIуахащ наркотикым итхьэкъуахэмрэ нэгъуэщI Iуэху мыщхьэпэхэм дахьэхахэмрэ я узыншагъэр щрагъэфIакIуэ IуэхущIапIэ. А центрым я узыншагъэр щрагъэфIэкIуэжащ цIыху 35-м. Ахэр щылэжьэну щIы Iыхьэ хухахащ. «Вера» радиор мэлажьэ. Дэ республикэм имызакъуэу нэгъуэщI субъектхэми дыщолажьэ.
Къэрал телевиденэмкIэ къат цIыху куэд щызэхуэс программэхэр. Кавказым, Тхьэм и шыкуркIэ, дин зи лъабжьэ къаугъэхэр щызекIуэркъым, ар икIи ди лъэпкъхэм я
фIыщIэщ. Республикэм и муфтийм фIыщIэ хуэфащэщ. Кавказыр – ди зэхуэдэ
унэщ, абыкIэ дэ жэуап дохь».
ИужькIэ Матовников Александр Республикэ мэжджытымрэ Налшык Магдалинэ Марие и цIэр зезыхьэ члисэ зэхуэхьэсамрэ щыIащ.