2018 гъэм бадзэуэгъуэм и 14-м епщыкIуиянэ зэгъусэ тхьэлъэIур Минводы щызэхэтащ, Тхьэм папщIэ бэлыхь куэд зрагъэшэчахэм ятеухуауэ. Зэгъусэ тхьэлъэIур мы гъэм Псыхуабэ, Черкесск щIыналъэхэм я архиепископ Феофилакт иригъэкIуэкIащ. ГуфIэгъуэ зэхыхьэр тхьэлъэIу литургиекIэ ирагъэжьащ. Ар Пастыр нэхъыщхьэм Тхьэм папщIэ бэлыхь куэд зрагъэшэчахэм я члисэм щригъэкIуэкIащ, Минераловодскэ члисэ округым и щоджэнхэм благочиннэ щоджэн нэхъыжь Панасенкэ Алексийрэ къардэн нэхъыжь Кубэ Димитрийрэ я пашэу. ТхьэлъэIу нэужьым щихънагъыр щоджэнхэм яIущIащ, къалэдэс щитхум щIигъум я гъусэу, къалэм и члисэхэмкIэ яунэтIащ. 2001 гъэм къыщыщIэдзауэ зэгъусэ тхьэлъэIур къыщыувыIэ хабзэ щIыпIэхэм деж члиситI къыщыунэхуащ: Благовещенскэ, Тхьэм папщIэ бэлыхь куэд зрагъэшэча, Тхьэм папщIэ бэлыхь куэд зрагъэшэча Георгий и цIэр зезыхьэ члисэ цIыкIур.
Мы гъэм зэгъусэ тхьэлъэIум гъущIгъуэгу вокзалымкIэ иунэтIащ. Пащтыхь унагъуэр зэраукIрэ илъэсищэ щрикъум ирихьэлIэу Николай ЕтIуанэр къалэм зэрыщыIам и фэеплъыр ямыгъэкIуэдыжыну унафэ ящIащ. Минводы вокзалым 1914 гъэм дыгъэгъазэм императорым, Кавказ фронтым къыщикIыжым, Ставрополь губернием и депутацэр къищтащ.
Вокзалым и унэм перронным и лъэныкъуэмкIэ фэеплъ пхъэбгъу щагъэуващ, метррэ ныкъуэрэ метритIрэ хъууэ, пащтыхьым къэзакъ фащэ щыгъыу, тхыдэ къэхъугъэм теухуа хъыбар щIыгъуу. Къалэм и къэзакъхэм ягъэхьэзыра барельефыр псапащIэхэм я ахъшэкIэ зэхадзар архиепископ Феофилактигъэнэхуащ.
ИужькIэ зэгъусэ тхьэлъэIум щыпащащ къалэм и члисэхэм, Минводы пIалъэкIэ къыщешха уэшх инми емылъытауэ.