2018 гъэм бадзэуэгъуэм и 11-12-хэм Псыхуабэ, Черкесск щIыналъэхэм я архиепископ Феофилакт епархием и Петропавловскэ члисэм тхьэлъэIу щригъэкIуэкIащ. ТхьэлъэIур щихънагъ нэхъыщхьэм щригъэкIуэкIащ ЕссэнтIыгу къалэм и члисэм. Пастыр нэхъыщхьэм къулыкъур драгъэкIуэкIащ ЕссэнтIыгу члисэ округым и екIуэлIапIэхэм я щоджэнхэм благочиннэ щоджэн нэхъыжь Еланцев Сергийрэ къардэн нэхъыжь Кубэ Димитрийрэ я пашэу. Щихънагъым иригъэкIуэкIащ тхьэлъэIур, махуэшхуэ инджылым къеджащ, фIэщхъуныгъэ зиIэхэм гъэнэхуа дагъэм щыщ ялъигъэIэсу.
ТхьэлъэIу нэужьым щихънагъыр щоджэнхэм я гъусэу ЛIахэм КъахэтэджыкIыжа Христос и Скульптурэ Теплъэм и деж щаухуэ кувуклием и ухуэныгъэр зэрекIуэкIым зыхигъэгъуэзащ икIи махуэшхуэ концертым хэтхэм фIэхъус ярихащ.
2018 гъэм бадзэуэгъуэм и 12-м Зеленчукскэ станицэм и Петропавловскэ члисэм архиепископ Феофилакт хабзэ зэрыхъуауэ къэзакъ линейкэмкIэ къыIухьащ. Щихънагъыр ирагъэблэгъащ станицэм и зэгухьэныгъэм и къэзакъхэм атаман Фёдоров Владимиррэ район администрацэм и Iэтащхьэ Самоходкин Сергейрэ я пашэу. Литургием хыхьэу щоджэн нэхъыщхьэм къулыкъур драгъэкIуэкIащ Ипщэ Къэрэшей-Шэрджэс члисэ округым и щоджэнхэм благочиннэ, Зеленчукскэ станицэм и Петропавловскэ члисэм и унафэщI щоджэн нэхъыжь Субтельный Евгенийрэ къардэн нэхъыжь Кубэ Димитрийрэ. Литургие нэужьым щихънагъ нэхъыщхьэм зэгъусэ тхьэлъэIур иригъэкIуэкIащ, щоджэн нэхъыщхьэм и дамыгъэхэр екIуэлIапIэм кIуэхэм яритащ икIи фIэщхъуныгъэ зиIэхэм Жорыр яритащ.