Быйыл июнь айны 28-де Нарсанпда Православ Свято-Никольский гимназияда устаз советни эсеблеу кенгеши болубэетдю. Аны аллы бла православ адет бла къысха дуа
окъулду, андан сора гиназияны директору протоирей Знаменский Иоанн окъуу джыл бошалгъаны бла устаз коллективни алгъышлаб эмда бу гиназияны учредители Пятигорске бла Черкесскени Архиепископу Феофилактха хар не тюрлю джаны бла эс белюб болушуб тургъаны ючюн разылыгъын билдирди. Анданхсора гиназияны директору 2018-2019 окъуу джылгъа устазлагъа сагъат санланы юлешиуню проектин окъуду. Окъутуу-юретиу джанындан директорну орунбасары Рочева Ирина, окъуу программала бла предметледен орузлама-тематика планированияны эндиги джылгъа мардасыз джаралдырылыгъа кереклисинден хапар айтыб, электрон журналланы сингдириу бла контрольный ишле бла анализлени бериуню мадарларын да эсге салды. Ариу халиге юретиуден директорну орунбасары Синявская Татьяна окъуу джылны аягъында бардырылгъан мероприятиладан эмда "Зеленый Афон" джайгъы епархия лагерни ишинден хапар айтды. Ол лагерде гимназиячыла солурукъдула, абадан классланы сохталары уа вожатыйле болуб ишлерикдиле. Андан сора да ол келир окъуу джылгъа юретиу ишден планланы джарашдырыуну эсге салыб эмда сохталагъа дневникле бла джангы окъуу джылда кружок ишледен да хапар айтды. Бютеусорууланы юсю бла директорну орунбасары Знаменская Ольга гимназияда бара тургъан ремонт ишледен хапар айтды. Джангы окъуу джылгъа гиназияны приемкасын да белгиледи. Китабханачы Михайлова Инна, китабхана фндну болумундан хапар айтыб окъуу литератураны джангыртылыргъа кереклисин да чертди. Педсоветден сора бютеу устазлагъа тебси джасаб сыйлаб саугъа да этдиле. Директор бабас хар бир устазгъа Волокаламскени митрополити Иларионну Катехизисин бериб, ийманларын бегитиб, джайгъы каникулланы кюнлеринде зауукълу солугъуз деб теджеди. 2017-2018 окъуу джылны аягъына гиназияда 1-11 класслада 250 сохта окъуйду эмда 25 устаз ишлейди. Джылны эсеблери бла сохтала бары да аттестациядан етгендиле. Аладан 26- сы айырмагъа окъуйдула. Сохталадан 127-си окъуу джылны 4 ла 5-ге бошагъандыла. Выпускной 11-чи классда 8 сохтадан 3-сю медалгъа бошагъандыла.