Урысейм и махуэм, мэкъуауэгъуэм и 12-м, Налшык и уэрамхэм «Урысейм ис лъэпкъхэм я зэныбжьэгъугъэм и парад» щекIуэкIащ. Абы хэтащ Налшык къалэм щихъ Столпник Симеон и цIэр зезыхьэ и тхьэмахуэ школым щыщхэмрэ КъБР-м и «Псоми мамырыгъэ» чристэн щIалэгъуалэ центрым хэтхэмрэ. ЩIалэгъуалэм я пашэу щытащ епархием дин щIэныгъэмрэ катехизацэмкIэ и къудамэм и унафэщI щоджэн Осипов Константин. Махуэшхуэм щыпащащ Къэрал концерт гъэлъэгъуапIэм, «Си къэрал – си республикэ» фестивалыр щекIуэкIам. А махуэ дыдэм Котляревскэ станицэм (КъБР) ЩэнхабзэмкIэ унэм и гупэм деж махуэшхуэ концерт щекIуэкIащ, Урысейм и махуэм теухуауэ. Зэхыхьэм хэтащ къэзакъ хорхэр, Тхьэм и Анэм и Покров члисэм и тхьэмахуэ школым и гъэсэнхэр. Къызэхуэсахэм къэрал махуэшхуэмкIэ щехъуэхъум, члисэм и унафэщI щоджэн
Арманов Николай ягу къигъэкIыжащ Члисэм и мыхьэнэр.