Быйыл июнь айны 6-да православ динде аулия Ксения Петербургскаягъа сывй бериуге 30 джыл толгъан кюнде Пятигорске бла Черкесскени архиепископу Феофилакт,Нарсананы Пантелеймон клисасында Ксения Петербургская аулияны приделинде Дин къуллукъ бардырды. Архиерейге дин къуллукъ болушлукъну , епархияны административ секретариатыны тамадасы иерей Яковенко Илия бла джуаблы православ динчи протоирей Знаменский Иоанны башчылыгъы бла епархияны башха округларындан православ динчиле этдиле. Диакон чыннга, протодиакон Куба Димитрий башчылыкъ этди. Дин къуллукъдан сора Архипастырь джыйылгъанлагъа ауаз бериб аулия Ксениягъа да православ диндеча махтау салгъан дуа окъуду. Клисагъа уа эм багъалы саугъа болуб Честный Животворящий Крест в годенове деген иконаны копиясы болду. Аны саугъагъа Москвада абкустол дараджалы бийче Ольганы обществосуну членлери бергендиле. Баш меценатла Любовь Павловна Воробьева бла Светлана Викторовна Сивец болгъандыла. Ол саугъа этгенлеге Владыка джюрек разылыгъын билдириб, бу джангы дин сыйны аллында этилген тилеклени Аллах къабыл этерине ышаннганын билдирди.