2018 гъэм мэкъуауэгъуэм и 1-м Железноводск и зыгъэпсэхупIэ паркым Минераловодскэ округым и екIуэлIапIэхэм я щоджэнхэм, округым и благочиннэ щоджэн нэхъыжь Панасенкэ Алексий я пашэу, псыежэххэр ягъэнэхуащ. ФIэщхъуныгъэ зиIэхэм щихъ Брянчанинов Игнатий и тхьэнапэр яIыгъыу Покров члисэм щыщIадзэри, Смирновскэ псыкъуийм нэс кIуащ, тхьэлъэIу щрагъэкIуэкIынум. Къалэдэсхэмрэ зыгъэпсэхупIэм и хьэщIэхэмрэ захуигъэзащ благочиннэ икIи къалэ думэм и унафэщI Рудаков Александр. Псыхуабэ, Черкесск епархием щэнхабзэмкIэ и къудамэм, къалэ-зыгъэпсэхупIэм и администрацэр щIыгъуу духовнэ музыкэм и концерт къызэригъэпэщащ. ЗыгъэпсэхуакIуэ
къэкIуахэм я пащхьэм зыкъыщагъэлъэгъуащ Ставрополь крайм и музыкэ колледж Сафонов В.И. и цIэр зезыхьэм и хор Мамалиевэ Галинэ и нэIэм щIэтым.