Епархияны архитектура-къурулуш комиссиясы энтда да Къарачай-Черкесияда Къбла клиса окргуну клисаларына къараргъа айланды. Анга къурулуш джаны бла епархия белюмню тамадасы протоирей Бондарчук Андрей, джуаблы православ динчи протоирей Субтельный Евгений, къурулуш джаны бла джуаблы динчини болушчусу иерей Бураков Димитрий, епархияны архитектору бла древлехранители Чечин Олег, епархия складны тамадасы Чечин Сергей къошулгъандыла. Комиссия, Зеленчюк станседе абустолла Петр Павел шыйыхланы клисасы бла эмда великомученик Федор шыйыхны клисасына, Къардоник станседе Покрова Пресвятой Богородицы клисагъа, Орджонекидзе поселокда великомученица Варвара шыйыхны клисасына, Хасаут-Греческое элде Солунчу Димитрий шыйыхны сыйына аталыб ишлене тургъан клисагъа къарадыла. Орджонекидзе поселокда Варвара шыйыхны клисасында болгъан сагъатда комиссия, ырджы болгъан джерде клисаны ишлеб аны бир къабыргъасын да буруу орнуна болурча этерге джарарыкъ тюлдю, ол джорукъгъа келишмейди деб айтды. Бу джер, кюнчыгъыш джанында аллай мекям ишлерге мадар береди.