Быйыл май айны 20-да Пятигорске бла Черкесскени архиепископу Феофилактны разылыгъы бла джыл сайын да болуучу, джаш телю къачлы джюрюш бла Успен Вторафон Бештау эркиши монастыргъа дери барды. Быйыл онекинчи кере болуб Кирилл бла Мефодий шыйыхланы кюнюню аллы бла епархияны джаш телюсю, христиан дин школла бла орта школланы сохталары, къазакъла эмда Къарачай-Черкесия бла Къабарты-Малкъардан келген паломникле бирге джыйылыб Сыйлы Кавказа мамырлыкъ орналсын джамагъаты да эсен болсун деб тилек этерге джыйыладыла. Монастыргъа келгенлери бла епархияны Джаш телю белюмюню тамадасы иерей Яковенко Илия динчиле бла бирге разылыкъ дуа окъуб Архиерейни атындан да багъышлау да этди. Быйыл къачлы джюрюшге бешджюзден аслам адам къошулгъанды. Эсге салсакъ, славян джазма культураны Кюню- къуру клиса байрам тюл, саулай кърал байрамды, ол бютеу Эресейни джеринде кенг белгиленеди.